Łukašenka daŭ zadańnie Łatušku vyvučyć dziejnaść francuzskaj Sacyjalistyčnaj partyi
Pra heta jon zajaviŭ 16 listapada, pryznačajučy Paŭła Łatušku Nadzvyčajnym i Paŭnamocnym Pasłom Biełarusi ŭ Francyi.
«Nam Francyja jašče cikavaja i z taho punktu hledžańnia, što tam pieramahła Sacyjalistyčnaja partyja.
Fransua Aland, jaki ŭznačalvaje Sacyjalistyčnuju partyju, — heta čałaviek, ja spadziajusia, bolš prahmatyčny i pryziemleny.Prynamsi, pieršyja miesiacy jaho palityki pra heta kažuć, pry ŭsich niedachopach, jakija tam isnujuć», — miarkuje Łukašenka.
«Tamu vaša zadača — najuvažliviejšym čynam vyvučyć dziejnaść Sacyjalistyčnaj partyi. Mahčyma, u nas moža źjavicca takaja partyja.
Nie taja partyja sacyjalizmu, jakaja kaliści była ŭ nas farmalna, a partyja sacyjalizmu, jakaja daje čałavieku mahčymaści dla samarealizacyi, jakaja nie vystupaje suprać pryvatnaj ułasnaści. Miarkuju, my, kali b u nas źjaviłasia takaja partyja, mahli b pryŭnieści šmat karysnaha, zychodziačy ź niehatyŭnaha i stanoŭčaha vopytu minułych hadoŭ u Savieckim Sajuzie. Tamu ja čakaju vašaj prapracoŭki padobnych napramkaŭ i asabistaha dakładu, — źviarnuŭsia Łukašenka da Paŭła Łatuški. — A ŭsie astatnija napramki supracoŭnictva ŭ płanie ekanomiki, uzajemadziejańnia z Francyjaj, nakolki jany, viadoma, hetaha zachočuć, vam viadomyja».