Na «Minsk-Arenu» nie puścili znakamitaha chakieista Alaksandra Aviečkina — fotafakt

U subotu, 17 listapada, na «Minsk-Arenie» byŭ baskietboł. U ramkach Adzinaj Lihi VTB «Cmoki-Minsk» prymali adzin z najmacniejšych kłubaŭ Jeŭropy — maskoŭski CSKA i znoŭ haniebna prajhrali — 48:90.

Naviedali matč i chakieisty maskoŭskaha «Dynama»: (jany akurat siońnia hulajuć ź minskimi dynamaŭcami matč čempijanatu KCHŁ). Ale baskietboł učora maskoŭskija chakieisty pahladzieć nie zdoleli — spartoŭcaŭ chutka spravadzili pradstaŭniki achovy areny, piša Goals.by. Zorny Alaksandr Aviečkin (na fota № 2) byŭ, vidać, mocna ździŭleny.

Maskoŭskaje «Dynama», darečy, siońnia pieramahło ŭ aviertajmie (3:2), a Aviečkin zakinuŭ pieramožnuju šajbu.

Kamientary da artykuła