Suprematyčny Minsk - fotarepartaž
Vandały, aktyvisty apazicyi, futbolnyja fanaty, hraficisty i vuličnyja mastaki - usie jany razam stvarajuć niezvyčajny vyhlad fasadaŭ biełaruskaj stalicy. Ale kančatkovy aŭtar u hetaj palitry - kamunalnik ad ŽKCH. I heta fiška Minska. Fotarepartaž Siarhieja Hudzilina pra niezvyčajnuju biełaruskuju źjavu vuličnaha mastactva.
Supracoŭnik kamunalnaj słužby apieratyŭna zamaloŭvaje pratestavaje hrafici ŭ arcy doma na praśpiekcie Niezaležnaści.
Spalny rajon Uručča. Ściana šmatpaviarchovika.
Ściana kramy na ŭschodzie Minska.
Rajon płoščy Źmitraka Biaduli.
Ściana pa vulicy Kazłova.
Bałkon u staličnym šmatpaviarchoviku.
Funkcyjanalny suprematyzm u Minsku. tak niekatoryja žychary samastojna ŭciaplajuć svaje kvatery.
Adnosna małady tvor minskich suprematyčnych ścien.
Bałkon u spalnym rajonie Minska.
Arka na praśpiekcie Niezaležnaści.
Vulica Kazłova.
Uvachod u dvor pa vulicy Kazłova.
Kab sto hod tamu heta ŭbačyŭ Kazimir Malevič — jon by adčuŭ, što jaho mastactva suprematyzmu pieramahło i stałasia vuličnym trendam… I simvałam biełaruskaj stalicy taksama. Nie va ŭsich krainach vuličnym mastakam abvieščana vajna. Časam jany pieramahajuć. Naprykład, anhličanin Benksi. Časam ich tvory zastajucca na ścienach i bolš daŭžejšy čas. Ale tolki nie ŭ Biełarusi…
Vuličnaja cenzura, nu jak by i nie tolki vuličnaja, tut kvitnieje. Ale jana tvorčaja, jana nie adnastajnaja, jana spantannaja… Praces stvareńnia suprematyčnych pałotnaŭ časam zajmaje hady. Čystaja žoŭtaja ściana z chulihanskim ci apazycyjnym dopisam zamaloŭvajecca supracoŭnikam ŽKCH roŭnym prostakutnikam i farbaj taho koleru, jakaja jość u najaŭnaści. Uvieś fasad pierafarboŭvać — doraha. Šukać adnolkavuju farbu — taksama. Ale ž na heta patrebny čas jakoha niama — nadpis pavinien być jak maha chutčej zacenzuravany. A voś kali jaki ministr tut žyvie? Ci, kryj Boža, Łukašenka zaraz na pracu pajedzie?.. Tamu vychodzić jak vychodzić. Stylova, darečy, — psichadelična i niezrazumieła… U hetaj źjavie niama aŭtaraŭ — heta kalektyŭny tvor.
I takich tvoraŭ u Minsku, jak i ŭ Biełarusi — śviet. Jak śviet i vandałaŭ, aktyvistaŭ apazicyi, futbolnych fanataŭ, hraficistaŭ i vuličnych mastakoŭ. A zaŭtra ranicaj niejkamu supracoŭniku ŽKCH vypišuć piać kiłahramaŭ farby vypadkovaha koleru i jon stvoryć užo novy suprematyčny minski tvor. Takaja fiška.