Skanfiskavanuju daču prakurora Śniehira vystavili na aŭkcyjon
Dziaržava vystaviła na prodaž ziamielny ŭčastak, kanfiskavany ŭ byłoha prakurora Minskaj vobłaści, a ciapier prosta źniavolenaha Michaiła Śniehira. Stać uładalnikam prakurorskaj nieruchomaści moža kožny.
Praŭda, ziamli tam niašmat. Heta zvyčajnaja dača ŭ sadovym tavarystvie «Zialony Bor». Minski rajon, kiłamietry dva ad Kałodziščaŭ. Pamier ŭčastka składaje ŭsiaho 4 sotki. Budynkaŭ na dzialancy niama, choć ST «Zialony Bor» isnuje z 1992 hoda.
Nahadajem, što Viarchoŭny sud Biełarusi 7 maja 2010 hoda pryznaŭ byłoha prakurora Minskaj vobłaści Michaiła Śniehira vinavatym u ździajśnieńni šerahu karupcyjnych złačynstvaŭ i prysudziŭ da 7 hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu, z kanfiskacyjaj usioj majomaści.
Razam ź Michaiłam Śniehirom asudžany byŭ były dyrektar AAT «Zabudova» Mikałaj Kudziełka, jakoha sud pryhavaryŭ da 3 hadoŭ turmy.
Śniahir adbyvaje pakarańnie ŭ kałonii ŭ Škłovie. Majomaść asudžanaha prakurora pačali pradavać tolki ciapier.
Pačatkovaja cana vystaŭlenaj na aŭkcyjon dačy składaje 15 miljonaŭ 480 tysiač rubloŭ.
Aŭkcyjon adbudziecca 4 śniežnia hetaha hoda.