Vypadak u Hrodnie: syn skraŭ u baćkoŭ 60 miljonaŭ rubloŭ

Pra heta raspavioŭ načalnik adździaleńnia kryminalnaha vyšuku Kastryčnickaha RAUS Hrodna padpałkoŭnik Viačasłaŭ Dziemidovič.

U Hrodnie abakrali kvateru. Milicyja ŭ chodzie apieratyŭna-vyšukovych mierapryjemstvaŭ vyśvietliła, što 7 tys. dalaraŭ i 500 tys. biełaruskich rubloŭ skraŭ 20-hadovy syn.

Niekalki miesiacaŭ tamu jon ažaniŭsia i pierajechaŭ žyć u inšaje miesca, ale pa-raniejšamu mieŭ kluč ad baćkoŭskaj kvatery. Padčas adnaho ź vizitaŭ u baćkoŭskaj chacie nikoha nie było.

Viedajučy, dzie schavany hrošy, małady čałaviek zabraŭ z tajnika usio, što tam było, paśla čaho raskidaŭ rečy, kab imitavać kradziež.

Milicyjaniery adrazu źviarnuli ŭvahu, što pry «afarmleńni kradziažu» niešta nie stykujecca. Chutka pad padazreńnie i trapiŭ małady čałaviek, jaki pryznaŭsia ŭ zroblenym. Viadoma, što da kradziažu pad roznymi padstavami jon rehularna vymańvaŭ u baćkoŭ hrošy.

Kamientary da artykuła