«Nie maŭčy pa-biełarusku»: biełaruskaja mova vačyma dyzajnieraŭ
U miežach biełaruska-polskaha konkursa hrafičnych dyzajnieraŭ «MY2012» byŭ pradstaŭleny aryhinalny prajekt.
Studentki Darja Mandzik (architekturny fakultet BNTU) i Jana Vojcik (Biełaruskaja dziaržaŭnaja akademija mastactvaŭ) vizualizavali leksiku biełaruskaj movy roznych tematyčnych hrup.
Udzielniki mastackaha spabornictva, arhanizavanaha Biełaruskim sajuzam dyzajnieraŭ i Abjadnańniem tvorcaŭ užytkovaj hrafiki (Stowarzyszenia Twórców Grafiki Użytkowej), zmahajucca za mahčymaść prezientavać svaje pracy padčas admysłovych vystavaŭ u Varšavie i Minsku, a taksama prajści tydniovuju stažyroŭku ŭ viadučych polskich firmach, što pracujuć u halinie dyzajnu.
Ź biełaruskaha boku ŭ žury konkursa zadziejničany architektar-dyzajnier Ihar Hierasimienka, mastak Uładzimier Ceśler i kulturołah Maksim Žbankoŭ.
Adzin z pretendentaŭ na pieramohu — prajekt maładych biełaruskich dyzajnierak, jakija ŭzialisia za sprobu stvareńnia anałahu adnamoŭnaha vizualnaha słoŭnika. Na dadzieny momant užo raspracavana čatyry leksika-tematyčnyja hrupy, a mienavita «Posud», «Abutak», «Mebla» i «Častki cieła čałavieka». Nieŭzabavie aŭtarki mastackaha prajekta majuć vydać vyniki svajoj pracy ŭ vyhladzie paštovak i płanujuć na budučyniu publikacyju malavanaha biełaruskaha lemantara.
Bolej infarmacyi i padtrymka prajekta na staroncy Ukantakcie.