KDK pravieryŭ rezidentaŭ SEZ «Minsk»

Nie ŭsiez ich vykonvajuć patrabavańnie ab pastaŭcy nie mienš čym 70% pradukcyi na ekspart.

Tak, pry praviercy adnaho z rezidentaŭ SEZ, vytvorcy ofisnych kresłaŭ, ustanoŭlena, što ŭ pieršym paŭhodździ 2012 hoda pakazčyk ekspartu ŭ jaho składaŭ 40% (u papiarednija hady ekspart padaŭ i da 8%), a ŭ inšaha rezidenta SEZ (vytvorcy dźviarej) — 36%.

Pres-słužba nahadvaje, što adkaznaść za nievykanańnie hetaha pakazčyku «dastatkova surovaja» — pazbaŭleńnie statusu rezidenta ŭ SEZ. U žniŭni 2012 hoda na pasiadžeńni savieta administracyi SEZ «Minsk», u pracy jakoha ŭdzielničali supracoŭniki KDK, było vyrašana pazbavić statusu rezidenta SEZ pradpryjemstva — vytvorcy papiarovych upakovačnych pakietaŭ, jakoje ŭ 2011–2012 hadach naohuł nie ekspartavała svaju pradukcyju.

Adnačasova z vykanańniem pakazčyku ekspartu Kamitet dziaržkantrolu analizuje i svoječasovaść raźlikaŭ za ekspart rezidentami SEZ pradukcyi. Tak, u rezidenta SEZ, vytvorcy dźviarej, było ŭstanoŭlena niepastupleńnie z 2008–2009 hadoŭ vyručki ad ekspartu tavaraŭ na 1,5 młn. rasijskich rubloŭ i 30,1 tys. dołaraŭ ZŠA. Adnak na praciahu miesiaca paśla zakančeńnia pravierki Kamiteta dziaržkantrolu hetyja srodki pastupili ŭ dobraachvotnym paradku na rachunki pradpryjemstva, u tym liku 30,1 tys. dołaraŭ było ŭniesiena najaŭnymi hrašami.

Anałahičnaja situacyja skłałasia i ŭ rezidenta SEZ, jaki vyrablaje ofisnyja kresły: niepastupleńnie z 2008–2010 hadoŭ vyručki ad ekspartu tavaraŭ skłała 4,5 młn. rasijskich rubloŭ. Tolki ŭ chodzie pravierki pradpryjemstvam było padadziena iskavaja zajava ab spahnańni doŭhu. Paśla pravierki na rachunak pradpryjemstva pastupiła 170 tys. rasijskich rubloŭ i aktam uzajemaraźliku byŭ pahašany doŭh u sumie 280 tys. rasijskich rubloŭ. Za niepastupleńnie ekspartnaj vyručki KDK aštrafavaŭ pradpryjemstva na 452 młn. biełaruskich rubloŭ.Maryna Nosava, BiełaPAN

Kamientary da artykuła