Na nastupnym tydni ŭ Biełaruś prylacić prezydent Irana
Vierahodnaja data vizytu — 21—22 traŭnia.
Vierahodnaja data vizytu — 21—22 traŭnia. Na prośbu Radyjo Svaboda ŭdakładnić termin prybyćcia Machmuda Achmadzinežada ŭ ambasadzie Iranu ŭ Biełarusi adkazali, što jašče čakajuć paćvierdžańnia ź Ministerstva zamiežnych spravaŭ svajoj krainy.
U ambasadzie taksama paviedamili, što zaŭtra ŭ Miensk prylataje presavy ataše prezydenta Iranu, jaki j daviadzie da medyjaŭ bolš padrabiaznuju infarmacyju.
Kiraŭnik presavaj słužby prezydenta Biełarusi Pavał Lohki na našaje pytańnie ab dnie prylotu ŭ Biełaruś prezydenta Iranu skazaŭ:
«Ja ŭpeŭniena adkažu na heta pytańnie tolki zaŭtra».
Da hetaha vizytu baki majuć namier padrychtavać niekalki pahadnieńniaŭ dziela raźvićcia dvuchbakovaha supracoŭnictva ŭ roznych halinach, u tym liku ŭ ekanamičnaj.
Kiraŭnik Biełarusi Alaksandar Łukašenka naviedvaŭ Iran u śniežni 2003 hodu i ŭ listapadzie 2006 hodu.
A ŭ vieraśni 2004 hodu adbyŭsia aficyjny vizyt u Biełaruś tahačasnaha prezydenta Iranu Machamada Chatami.