U Horadni pačalisia Dni pamiaci achviaraŭ tatalitarnych režymaŭ u Biełarusi
U Hrodna 26-29 traŭnia projduć mierapryjemstvy, pryśviečanyja Dniam pamiaci achviaraŭ tatalitarnych režymaŭ u Biełarusi.
Štodnia z 26 pa 29 traŭnia ŭ kaściołach i cerkvach Hrodna buduć adbyvacca nabaženstvy pamiaci achviaraŭ tatalitarnych režymaŭ u Biełarusi.
U paniadziełak 28 traŭnia z udziełam hramadskaści horada i siabroŭ Hrodzienskaj abłasnoj asacyjacyi achviaraŭ palityčnych represij adbudziecca kruhły stoł na temu “Ad biełarusizacyi da Kurapataŭ”. Kruhły stoł projdzie ŭ pamiaškańni Hrodzienskaha haradskoha adździaleńnia Biełaruskaha hramadskaha abjadnańnia “Tavarystva Biełaruskaj Škoły” (vuł. Budzionaha 48a-44), pačatak a 18-j hadzinie.
Štodnia padčas praviadzieńnia Dzion pamiaci achviaraŭ udzielniki mierapryjemstvaŭ buduć zapalvać śviečki ŭ miescach, źviazanych z złačynstvami tatalitarnych režymaŭ
Mierapryjemstvy pravodziacca ŭ miežach hoda pamiaci, pryśviečanaha achviaram palityčnaha teroru. Sioleta adznačajecca sumnaje siamidziesiacihodździe – u 1937 hodzie razhuł stalinskich represij dasiahnuŭ pika. Biełaruskaja dziaržava admoviłasia stvaryć arhkamitet, kab hodna ŭšanavać pamiać achviar stalinizmu.
Arhanizatarami Haradzienskich Dzion pamiaci achviaraŭ tatalitarnych režymaŭ u Biełarusi vystupili miascovyja aktyvisty “”Ruchu Za Svabodu”.