Paštovaja skrynka

Paštovaja skrynka 

Śviatłanie K. z Połacku, Ihnatu Ł. ź Miensku, Siarhieju H. ź Bieraścia. Staronki dla prazaičnych impresijaŭ u hazecie ciapier niama. Na staronkach «Kultura» my zvyčajna drukujem tvory bolš akreślenaha žanru. Vy pišacie pra «kviacisty łuh z duchmianym vodaram raznatraŭja», «lipieńskuju ranicu, što źvinieła zanudnymi strakatańniami», «imhlistuju, šeruju vosieńskuju ranicu». Dzie Vy stolki toj pryrody znachodzicie? U nas u Biełarusi jaje ŭžo stolki nie zastałosia. Uvohule Vašy tvory možna nazvać «litaraturaj biaździejańnia» — nastolki mała ŭ ich action-u. Zdranćvieńnie ŭ hramadztvie vyklikaje zdranćvieńnie ŭ tvorach. Dziela treniroŭki mazhoŭ možna pasprabavać napisać pa tvory, dzie b nie było nivodnaha apisańnia pryrody i maksymum dziejańnia. Cut to the chase! — kažuć u takich vypadkach halivudzkija pradjusery.

Pačynać tekst tryma skazami, jakija pačynajucca z złučnika «i» — pryhožy, ale nia novy pryjom. Chacia što ciapier možna prydumać novaha?