Asia Klačyna, Rubinčyk i Almadovar
TV, 9 červienia, subota
«Historyja Asi Klačynaj» Kančałoŭskaha, «Kino pra kino» Rubinčyka i «Parazmaŭlaj ź joj» Almadovara
Historyja Asi Klačynaj, jakaja lubiła, dy nie vyjšła zamuž
NTV-Biełaruś, 16.35
Historyja Asi Klačynaj, jakaja lubiła, dy nie vyjšła zamuž (Istorija Asi Klačinoj, kotoraja lubiła, da nie vyšła zamuž)
Rasieja, 1967, čorna-bieły, 99 chv.
Režyser: Andrej Kančałoŭski
Roli vykonvajuć: Ija Savina, Alaksandar Suryn, Luboŭ Sakałova, Hienadź Jahoryčaŭ, Ivan Piatroŭ, Barys Parfionaŭ, Kola Pahodzin
Žanr: Meladrama
Adznaka: 7,5 (z 10)
U vioscy Biazvodnaje žyvie kucharka Asia Klačyna. Jana nosić pad sercam dzicionka ad kałhasnaha šafiora Ściapana, jakoha j kachaje. A samu jaje kachaje haradzki chłopiec…
U źniaviečanym i zabaronienym savieckaj cenzuraj filmie tolki try prafesijnyja aktory – Ija Savina, Alaksandar Suryn i Luboŭ Sakałova. Astatnija – žychary Biazvodnaha, jakija hrajuć sami siabie… i svaich hierojaŭ u stužcy.
Mastackaja karcina zdymałasia, jak dakument: sapraŭdny zbor uradžaju, sapraŭdnyja radyjonaviny pra ziemlatrus u Taškiencie. Čorna-biełyja kolery – i try kamery, jakija schoplivali padzieju całkam. Manalohi j spoviedź paśla HUŁAHu.
A sama hierainia “dakumentalnaha eksperymentu” Kančałoŭskaha nia z hetaha času. Jana trapiła ŭ kino z klasyčnaj ruskaj litaratury.
Adzin z najlepšych filmaŭ Kančałoŭskaha.
BT, 19.10
Rasieja, 2002, kalarovy, 86 chv.
Režyser: Valer Rubinčyk
Roli vykonvajuć: Valer Nikałajeŭ, Taciana Łaŭrova, Stanisłaŭ Lubšyn, Jaŭhien Ściabłoŭ, Fiodar Bandarčuk, Volha Sutułava, Maryanna Rubinčyk, Uładzimier Nosik
Žanr: Trahikamedyja
Małady režyser, jaki zdymaje bajavik “Trymaj udar” sa stralaninaj i pahoniami – maryć pra aŭtarskaje kino i tryźnić kinaklasykaj. Mary tolki ŭskładniajuć jahonuju vytvorčuju zadaču. A tut jašče ŭłazić pradusar, jaki sam nia viedaje, čaho jamu treba…
Aŭtar “Vianka sanetaŭ” i “Dzikaha palavańnia” Valer Rubinčyk naprykancy 80-ych emihravaŭ u Rasieju, dzie ciapier vykładaje j zdymaje kino. Zachapleńnie Felini, kino pra kino, sum i śmiech…
STV, 22.20
Parazmaŭlaj ź joj (Hable con ella)
Hišpanija, 2002, kalarovy, 112 chv.
Režyser: Pedra Almadovar
Roli vykonvajuć: Chaŭjer Kamara, Daryjo Hrandyneci, Leanor Ŭotlinh, Razarya Fłores, Maryoła Fuentes, Džeraldzin Čaplin, Pina Baŭš
Žanr: Drama
Pryzy: “Oskar” za najlepšy scenar i jašče 31 uznaharoda j 25 naminacyj
U pošukach hieraini dla svajho repartažu žurnalist Marka znajomicca z žančynaju-tarera Lidzijaj. Znajomstva pierarastaje ŭ žarść, ale ŭdar byka na karydzie zryńvaje Lidziju ŭ komu. U špitali Marka znajomicca z sanitaram Benińjo, jaki doŭhi čas dapamahaje nieprytomnaj Alisii. “Parazmaŭlaj ź joj” – raić Benińjo Marku, jaki zhubiŭ usialakuju nadzieju. Słovy lubovi zdolnyja zrabić cud…
Korstkaja drama Pedra Almadovara. Taniec karydy ryfmujecca z tancam baletnym – na adnu z rolaŭ zaprošanaja viadomaja chareohraf Pina Baŭš.