100 knih XX stahodździa

100 knih XX stahodździa

Našaniŭski prajekt «100 biełaruskich knih XX stahodździa» doŭžycca treci hod i budzie zavieršany sioleta na Kalady. Sutnaść prajektu ŭ vyznačeńni sta najbolš darahich i kaštoŭnych zdabytkaŭ knižnaj biełaruščyny za apošniaje stahodździe. Uvieś hety čas my atrymlivali śpisy čytačoŭ i publikavali rejtynh vydańniaŭ, jakija nazyvalisia najčaściej. Da kanca 1999 hodu my budziem praciahvać źbirać vašyja prapanovy i paviedamlać pra źmieny ŭ vynikovym śpisie. Ale paralelna z hetym my miarkujem drukavać kamentary viadomych litaraturaznaŭcaŭ, krytykaŭ i piśmieńnikaŭ, jakija praanalizujuć toje, što ŭ nas vychodzić, i daduć hetamu svaju acenku.

Siońnia ŭ Ahulnym Redakcyjnym Śpisie kolkaść nazvaŭ pierasiahnuła šeść socień. Napeŭna, z časam budzie nazvana jašče bolej knih. Ź ich napiaredadni 2000 hodu my j składziem tuju załatuju sotniu.

Voś ža, dasyłajcie nam nazvy vašych ulubionych vydańniaŭ (ich nia musić być bolš za 100) i, kali pažadajecie, svoj kamentar. Samyja cikavyja dopisy buduć nadrukavanyja ŭ «Našaj Nivie». Tamu adna prośba — paviedamcie, kali łaska, vaša imia, proźvišča i, kali mahčyma, miesca žycharstva. Apošniaja ŭmova patrebnaja jašče j dla taho, kab urešcie my ŭsie atrymali abjektyŭnuju karcinu. Pišycie nam na adras redakcyi z paznakaju «Sto knih XX st.». Darečy, staronku z našym Ahulnym Śpisam možna pabačyć u internecie (www. kraj.org).

A ciapier — śpis (tolki tyja vydańni, jakija nabrali 10 i bolej čytačoŭskich hałasoŭ. Suma hałasoŭ padajecca ŭ dužkach).

Usie źmieny, jakija adbuducca ŭ hetym śpisie, buduć zaležać ad vašaha aktyŭnaha ŭdziełu.

Kryt.

Bahdanovič Maksim. Vianok (31)
Bykaŭ Vasil. Znak biady (28)
Karatkievič Uładzimier. Dzikaje palavańnie karala Stacha (26)
Hienijuš Łarysa. Spoviedź (25)
Kołas Jakub. Novaja ziamla (25)
Sahanovič Hienadź. Nieviadomaja vajna (24)
Taraškievič Branisłaŭ. Biełaruskaja hramatyka dla škołaŭ (24)
Jermałovič Mikoła. Staražytnaja Biełaruś (22)
Bykaŭ Vasil. Sotnikaŭ (21)
Karatkievič Uładzimier. Kałasy pad siarpom tvaim (21)
Kupała Janka. Spadčyna (21)
Łastoŭski Vacłaŭ. Karotkaja historyja Biełarusi (21)
Smolič Arkadź. Hieahrafija Biełarusi (21)
Ihnatoŭski Ŭsievaład. Karotki narys historyi Biełarusi (20)
Karatkievič Uładzimier. Čorny zamak Alšanski (20)
Arsieńnieva Natalla. Pad sinim niebam (19)
Mielež Ivan. Ludzi na bałocie (19)
Turonak Jury. Biełaruś pad niamieckaj akupacyjaj (19)
Alachnovič Francišak. U kapciuroch HPU (18)
Kołas Jakub. Na rostaniach (18)
Kupała Janka. Žalejka (18)
Harecki Maksim. Ruń (17)
Tarasaŭ Kastuś. Pamiać pra lehiendy (17)
Vićbič Jurka. Płyvie z-pad śviatoje hary Nioman (16)
Jermałovič Mikoła. Pa śladach adnaho mitu (16)
Karatkievič Uładzimier. Chrystos pryziamliŭsia ŭ Harodni (16)
Maŭr Janka. Paleskija rabinzony (16)
Encyklapedyja historyi Biełarusi. I i II t. (16)
Arłoŭ Uładzimier. Tajamnicy połackaj historyi (15)
Karatkievič Uładzimier. Ziamla pad biełymi kryłami (14)
Łastoŭski Vacłaŭ. Padručny rasiejska-kryŭski (biełaruski) słoŭnik (14)
Čaropka Vitaŭt. Imia ŭ letapisie (14)
Harecki Maksim. Historyja biełaruskaj litaratury (13)
Harecki Maksim. Dźvie dušy (13)
Abdzirałovič Ihnat. Adviečnym šlacham (12)
Biełaruś. Encyklapedyčny daviednik (12)
Hienijuš Łarysa. Ad rodnych niŭ (12)
Kołas Jakub. Symon-muzyka (12)
Tkačoŭ Michaś. Zamki Biełarusi (12)
Adamovič Aleś, Bryl Janka, Kaleśnik Uładzimier. Ja z vohniennaj vioski (11)
Bykaŭ Vasil. Ściana (11)
Harun Aleś. Matčyn dar (11)
Daŭnar-Zapolski Mitrafan. Historyja Biełarusi (11)
Kipiel Vitaŭt. Biełarusy ŭ ZŠA (11)
Łastoŭski Vacłaŭ. Historyja biełaruskaj (kryŭskaj) knihi (11)
Razanaŭ Aleś. Vastryjo strały (11)
Ciotka. Chrest na svabodu (11)
Akuła Kastuś. Zmaharnyja darohi (10)
Aleksijevič Śviatłana. U vajny nie žanočaje abličča (10)
Architektura Biełarusi. Encyklapedyja (10)
Bykaŭ Vasil. Alpijskaja balada (10)
Hilevič Nił. Rodnyja dzieci (10)
Dajnieka Leanid. Śled vaŭkałaka (10)
Kałubovič Aŭhien. Kroki historyi (10)
Siamaška Jaŭhien. Armija Krajova na Biełarusi (10)