Viestki ź Litvy

 Viestki ź Litvy

Biespracoŭje

Litoŭcy prahnazujuć, što ŭ nastupnym hodzie biespracoŭje ŭ krainie nie pieravysić 10%. Sioleta na pieršaha śniežnia ŭzrovień biespracoŭja składaŭ 9,5%. Miarkujuć, što jon takim i zastaniecca.

Narkotyki

A voś z narkotykami ŭsio našmat bolš pesymistyčna. Palicyja padličyła, što abarot narkamafii ŭ Litvie składaje 50 młn. litaŭ ($12,5 młn.) u hod. Pašyrajecca prodaž narkotykaŭ najpierš u vilenskich škołach. Tryvožnaja tendencyja apošnich hadoŭ: usio bolš narkamanaŭ ad opiju (mak) pierachodziać da syntetyčnych (amfetaminnych) i pryvaznych (hierain, kakain, ŁSD) narkotykaŭ. Heta niebiaśpiečna ź niekalkich pryčynaŭ. Pa-pieršaje, kantralavać litoŭskich vytvorcaŭ maku mahła i miascovaja palicyja. Ale kali ŭ krainu chłynuli pryvaznyja narkotyki, dyk stała stvaracca i klasyčnaja systema kanśpiracyi — bosy, transpartoŭcy, fasoŭščyki i vuličnyja handlary. Dabracca da vierchu hetaje piramidy siońnia praktyčna niemahčyma. Pa-druhoje, školnikam našmat bolš padabajecca kuryć hierain, čym kałocca opijem, a hierainavy narkaman ličycca ŭžo končanym čałaviekam. Jašče adna kiepskaja tendencyja — narkotyki ŭ Litvie rezka patańnieli. Kali try hady tamu adzin hram hierainu na vilenskich vulicach kaštavaŭ 150-200 dalaraŭ, dyk siońnia košty ŭpali da 30-50. Krychu daražej kaštuje kakain. Tabletku amfetaminu možna kupić za 10 dalaraŭ. Stolki sama kaštuje i adna doza (maračka) ŁSD. Palicyjanty skardziacca, što vuličnyja handlary tusujucca ciapier kala kožnaj škoły, što na miescy schoplenaha raspaŭsiudnika zaraz ža źjaŭlajecca novy, a na toje, kab dastać arhanizataraŭ złačynnaje dziejnaści, pravaachoŭnym orhanam nie chapaje ani ludziej, ani hrošaj.

Lićvin