Dapamožam suajčyńnikam u niavoli!

---

 

Dapamožam suajčyńnikam u niavoli!

Hetki list pieradali nam z Homielskaje abłasnoje Ŭpravy nutranych spravaŭ:

«U systemie vykanańnia pakarańniaŭ Homielskaj vobłaści skłałasia vielmi ciažkaje materyjalnaje stanovišča z-za niedastatkovaha finansavańnia. Nie staje samych nieabchodnych rečaŭ: abstalavańnia j vopratki. Asabliva ciažkija prablemy ŭ žanočaj PPK № 4 i śledčym izalatary № 3, što ŭ Homieli, dzie pry limicie napaŭnialnaści 1350 i 1100 čałaviek utrymlivajecca adpaviedna 2800 i 2000 hramadzianaŭ.

Akramia taho, u žanočaj kalonii jość Dom dziciaci, dzie znachodziacca 60 dziaciej va ŭzroście da 3 hadoŭ. Ich maci adbyvajuć pakarańnie.

U śledčym izalatary № 3 z 1993 hodu budujecca novy režymny korpus, jaki dazvolić vyrašyć prablemu ciesnaty ŭ SIZA. Adnak dla jaho zakančeńnia patrebna 1180 rubloŭ u koštach 1991 hodu i abstalavańnie dla stałoŭki, varelni i łaźni.

U Vietkaŭskim rajonie Homielskaj vobłaści znachodzicca žanočaja kalonija-pasielišča № 21, kudy asudžanyja adpraŭlajucca z PPK № 4 i naŭprost z zali sudu. Usia majomaść hetych hramadzianak składajecca z taho, što na ich apranuta. Žabractva i razarvanyja sacyjalnyja suviazi nie dazvalajuć atrymać niejkuju dapamohu ad rodnych. Ciapier viaducca pracy pa pieraprafilavańni byłoha vajskovaha haradku «Homiel-30» u v.Zarečča Rečyckaha rajonu, kudy paźniej buduć źmiaščacca asudžanyja žančyny. Pytańnie i ŭ ciažkaściach z nabyćciom rečaŭ pabytovaha pryznačeńnia: łaźnievaha i vadahrejnaha abstalunku, łožkaŭ, paścielaŭ, posudu j katłoŭ, aŭtamabila chutkaj dapamohi i ŭsiaho takoha.

Prosim akazać dapamohu ŭ nabyćci albo pieradačy dla zhadanych specustanovaŭ Homielščyny nastupnych rečaŭ i materyjalnych kaštoŭnaściaŭ:

 

Dla PPK—24:

Misy aluminievyja — 500 (tutaka j dalej — štuk). Talerki aluminievyja — 500. Kubki emalavanyja — 500. Łyžki — 500. Bak pad pieršuju stravu — 15. Bak pad druhuju stravu — 15. Čajnik aluminievy — 15. Rondli aluminievyja (9—10 ł.) — 10. Kacioł naplitny 30—40 ł — 6. Kacioł naplitny 50—60 ł — 6. Apałonik — 4. Drušlak aluminievy — 3. Nož dla harodniny — 20. Nož chlebny — 4. Blachi — 14. Vahi nastolnyja dvuchkilahramovyja — 3. Vahi nastolnyja 10 kh — 3. Vahi tavarnyja 500 kh — 3. Matrac — 400. Praściny bavaŭnianyja — 1600. Navałački bav. — 800. Koŭdry — 500. Ručniki — 1600. Paduški vatovyja — 400. Pralnyja mašyny — 2. Centryfuhi — 2. Pras-katok — 1. Dezynfekcyjnaja kamera dla bializny — 1. Łožki dvuchpaviarchovyja — 200. Šafki pryłožkavyja — 400. Zedliki — 400.

 

Dla PPK—4:

Najbolš patrebnyja dla Domu dziciaci: dziciačyja łožački — 40, pralnyja mašyny — 2, pras-katok — 1, šafy dla sterylizacyi albo suchažaravyja — 5, bakterycydnyja lampy, elektrahrejniki — 7, razavyja šprycy, štučnyja jełki — 3, ciopły abutak dla dziaciej da 3 hadoŭ, aŭtamabil chutkaje dapamohi, dziciačaje charčavańnie: piure, kaški biezmałočnyja.

Vopratka žanočaja

Abutak žanočy letni, zimovy

Televizary dla atradaŭ — 25

Kinademanstratar — 1

Sceničnaja zaviesa dla klubu

Mikrafony, uzmacnialnik

Abstalavańnie dla šytva

Prasy

Abstalavańnie dla prańnia bializny

Abstalavańnie dla varelni

Mebla dla stałoŭki

Paścieli

Myjnyja srodki

Śviacilniki dla žyllovych sekcyjaŭ

Kresły zvyčajnyja — 450

 

Dla PPK—21

Žanočaja vopratka letniaja i zimovaja — 300 kamplektaŭ.

 

 

Chto moža dapamahčy čym-kolviek, źviartacca na telefon (0232) 55-53-62 va Ŭpravu nutranych spravaŭ Homielskaha abłvykankamu i damaŭlacca sa sp.S.Zajcavym. Vopratku, abutak i dziciačaje charčavańnie možna prynosić taksama na adras Biełaruskaha Hielsynskaha Kamitetu (Miensk, vuł.Libknechta, 86, korp.1, kv.20.