Desłabadanizacyja
№ 08 (217), 19 — 26 lutaha 2001 h.
Desłabadanizacyja
U Juhasłavii aryštavali byłoha kiraŭnika dziaržaŭnaha telebačańnia za časoŭ Miłošaviča, Drahaluba Miłanaviča. U jaho jość pra što i za što spytać. Naprykład, ci ž nia viedaŭ jon pra majučuju adbycca pavietranuju ataku NATO na budynak serbskaha TV, padčas jakoj zahinuła 6 čałaviek?
Jon pakinuŭ svaich supracoŭnikaŭ tam, chacia jamu paviedamili, što budynak budzie zaatakavany. Zatoje ŭ krasaviku 1999 h. Miłošavič pryvodziŭ hetyja śmierci jak prykład niaŭvahi NATO da žyćcia mirnych žycharoŭ. Aficyjnyja asoby abiacajuć, što i śledztva pa spravie samoha Miłošaviča pačniecca na dniach, pra toje ž kazaŭ i premjer Džyndžyč. Jany paźbiahajuć dakładnych kamentaroŭ, abmiažoŭvajučysia zajavami pra dastatkovaść padstavaŭ dla pačatku śledztva suprać byłoha prezydenta i pra toje, što rašeńni pa spravie Miłošaviča pavinny prymać adpaviednyja orhany, a nia ŭrad. Niekatoryja turbujucca, što istotnyja abvinavačvańni suprać Miłošaviča vysunuć budzie vielmi niaprosta, bo śladoŭ złačynstvaŭ nie adšukać. Džyndžyč pryznaje, što, viadoma, najpraściej było b raskryć finansavyja parušeńni, ale buduć šukać taksama i dokazy vajennych złačynstvaŭ.
Važnyja źmieny čakajucca i na biahučym tydni — parlament pryznačyć novych prakuroraŭ i sudździaŭ, zakłaŭšy fundament dla raśśledavańnia złačynstvaŭ byłoha režymu.
S.R.