Plener imia Drazdoviča
№ 42 (251), 15 kastryčnika 2001 h.
Plener imia Drazdoviča
6 kastryčnika tvorčaja supołka “Pahonia” raspačała na Hłyboččynie čarhovy Nacyjanalny plener imia Jazepa Drazdoviča. Mastaki ź Miensku, Maładečna, Pinsku i Drysy naviedali jahonuju mahiłu la vioski Liplany. Na pałotny tvorcaŭ lehli vakolicy zaścienka Puńki, dzie 13 kastryčnika 1888 h. naradziŭsia Jazep Drazdovič. Pačatku pleneru spryjała cudoŭnaje nadvorje, ščodraje sonca dy załatyja vosieńskija ŭbory lesu i sadu.
U nastupnyja dni mastaki naviedali voziera Biełaje ŭ Padśvilli, padnialisia na Zamkavuju haru, pabačyli haradzišča Brykiaci, što na levym bierazie rečki Śvilicy. U chodzie pleneru jany planujuć naviedać aziory Plisu, Doŭhaje i Šo, haru Haravatku ŭ Hałubickaj puščy, a taksama horad Hłybokaje, viosku Babrujščynu i miastečka Mosar.
18 kastryčnika u Pałacy mastactvaŭ adčynicca vystava karcinaŭ, jakija mastaki stvorać padčas hetaha pleneru.
Chviados Vorša