Česki miljarder prahnazuje źmianieńnie sytuacyi ŭ Biełarusi
Svoj prychod na biełaruski rynak miljarder patłumačyŭ tak: «Praź niekalki hadoŭ sytuacyja (u Biełarusi) źmienicca, a značyć, nam treba być tam užo ciapier».
Petr Kellner |
Česki miljarder Peter Kiełner, majomaść jakoha aceńvajecca ŭ šeść miljardaŭ dalaraŭ, prahnazuje źmieny ŭ Biełarusi ŭžo praź niekalki hadoŭ.
Raskazvajučy pra svoj biznes, Peter Kiełner nahadaŭ, što «ŭ Biełarusi ŭ kancy 2006 h. my kupili nievialiki «Łorabank», jaki budzie taksama prapanoŭvać pradukty i pasłuhi pa spažyvieckim kredytavańni». «Hety prajekt my pavinny zapuścić u kancy 2007 h.», — paviedamiŭ česki mahnat.
Svoj prychod na biełaruski rynak miljarder patłumačyŭ tak:
«Praź niekalki hadoŭ sytuacyja (u Biełarusi) źmienicca, a značyć, nam treba być tam užo ciapier».
U interviju hazecie «Viedomosti» Peter Kiełner zajaviŭ, što «urešcie ekanomika Biełarusi stanie adkrytaj, ja ŭ hetym pierakanany».
Finansavaja hrupa PPF stvoranaja ŭ 1991 h. U PPF uvachodziać «PPF banka», bank «Home Credit», «PPF Asset Management», strachavaja kampanija «Česká pojišťovna», «CP Invest», «CP Direct», «CP Reinsurance company», pensijny fond «CP», «CP Strategic Investments», «Home Credit» i «Česká pojišťovna» u Słavaččynie, Českaja strachavaja kampanija i «Choum Kriedit end Finans Bank» u Rasiei, ukrainskija «Privat Kriedit», «Ahrobank» i «Ceska Pojistovna Ukraina», «Choum Kriedit Kazachstan», «Łorabank» (Biełaruś).
Finansavaja hrupa PPF kupiła kantrolny pakiet akcyjaŭ biełaruskaha «Łorabanku» ŭ kancy 2006 h. Aktyvy «Łorabanku» pa stanie na 30 vieraśnia 2006 h. składali 6,4 młrd. rubloŭ (2,4 młn. eŭra).