Premjer‑ministar zajaviŭ ab pravale zamiežnahandlovych pakazčykaŭ
Pavodle słoŭ Sidorskaha, «pravał hetaha pakazčyka šmat u čym abiasceniŭ inšyja dasiahnieńni ekanomiki za studzień‑maj hetaha hoda».
Pavodle słoŭ Sidorskaha, «pravał hetaha pakazčyka šmat u čym abiasceniŭ inšyja dasiahnieńni ekanomiki za studzień‑maj hetaha hoda». «My nie tolki nie zmahli dasiahnuć stanoŭčaha salda, ale i dapuścili pieravyšeńnie tempaŭ rostu impartu nad tempami rostu ekspartu ŭ dva razy. I heta pry tym, što byli zaćvierdžany płany raźvićcia źniešnieekanamičnaj dziejnaści pa kožnym ministerstvie», — zaznačyŭ premjer‑ministr.
Pavodle źviestak aficyjnych krynicaŭ, S.Sidorski zajaviŭ ab nieabchodnaści zabiaśpiečyć na ŭsich uzroŭniach vychad źniešniaha handlu na stanoŭčaje salda, i tolki paśla hetaha pravodzić refarmavańnie ekanomiki i azdaraŭleńnia pradpryjemstvaŭ. «Ciapier u nas usie pad siabie pišuć pakazčyki źniešnieekanamičnaj dziejnaści — takoha nie budzie», — papiaredziŭ kiraŭnik urada.
Pavodle źviestak Minstata, u studzieni‑krasaviku salda źniešniaha handlu tavarami i pasłuhami pa mietadałohii płaciežnaha bałansu skłałasia admoŭnaje ŭ pamiery 741,8 młn. dołaraŭ, u tym liku salda źniešniaha handlu tavarami — admoŭnaje ŭ pamiery 1 młrd. 126,5 młn. dołaraŭ, pasłuhami — stanoŭčaje (384,7 młn. dołaraŭ). Pavodle papiarednich źviestak Nacyjanalnaha banka, abjom źniešniaha handlu tavarami i pasłuhami pa mietadałohii płaciežnaha bałansu za studzień‑krasavik 2007 hoda skłaŭ 15 młrd. 637,8 młn. dołaraŭ ZŠA, u tym liku ekspart — 7 młrd. 448 młn. dołaraŭ, impart — 8 młrd. 189,8 młn. dołaraŭ. U adnosinach da anałahičnaha letašniaha pieryjadu abjom źniešniaha handlu tavarami i pasłuhami skłaŭ 116,9%, ekspart — 111,6%, impart — 122,1%.