Daroha zastaniecca pomnikam barbarstvu
№ 38 (300), 11 kastryčnika 2002 h.
kamentar Zianona Paźniaka
Daroha zastaniecca pomnikam barbarstvu
Narodny memaryjał užo stvorany i budzie raźvivacca dalej. Jon stvorany ludźmi, jakija pryjaždžajuć u Kurapaty z usioj krainy i z-za miažy, staviać kryžy, zapalvajuć śviečki. Heta sprava ruk samoha narodu. Pakul chtości spadziajecca na ŭładu, pakul iduć razmovy, pasiedžańni, ludzi ŭziali spravu ŭ svaje ruki, pačali stvarać Narodny memaryjał.
Kurapaty nielha źniščyć. Z taho času, kali praŭda pra Kurapaty była adkrytaja, — jany nieźniščalnyja. Čym bolš nachabnym budzie režym, tym chutčej jon vykapaje sabie jamu. Jany chacieli sfalsyfikavać materyjały pa Kurapatach, ale heta im nie ŭdałosia zrabić. Budoŭla aŭtadarohi praz Kurapaty — heta kaščunstva. U śviecie takoha nie było! Heta pierachodzić usie maralnyja normy. Jany pierakročyli miažu dabra i zła. Heta sataninskaje myśleńnie. Daroha zastaniecca pomnikam barbarstvu. Na hetym asfalcie buduć napisanyja imiony i achviaraŭ, i kataŭ.
Niedachop infarmacyi pryvodzić da taho, što bolšaść ludziej u krainie nia viedajuć pra Kurapaty, pra toje, što tam adbyvajecca. Kab ludzi viedali, zaŭtra tam byli b tysiačy. Z usioj Biełarusi ludzi jechali b, kab zachavać svaju pamiać. Bo ŭ kožnaha ŭ siamji chtości zahinuŭ.