Prosta słovaŭ nie staje…
Užyvańnie niecenzurnaj leksyki nie zaležyć ni ad vieku, ni ad adukacyjnaha ŭzroŭniu, ni ad partyjnaj prynaležnaści. Kožny robić vybar samastojna. Tamu «NN» i vyrašyła pravieści apytańnie na temu: «Ci ŭžyvajecie vy niecenzurnuju leksyku?»
Lilija Koval, vice-prezydentka Mienskaha staličnaha sajuzu pradprymalnikaŭ: Ni ŭ jakim razie nie ŭžyvaju sama i nie ŭchvalaju ŭ svaim atačeńni. U nas dastatkova pryhožych słovaŭ, kab vykazać svaje dumki.
Taciana Sapač, paetka: Nie ŭžyvaju. Chacia ŭ pierachodnym ad dziacinstva peryjadzie (niedzie klasie ŭ 6-j) karystałasia.
Pavał Sieviaryniec, lider niezarehistravanaha «Maładoha frontu»: Nie, ale ŭ dziacinstvie (u 3-j i 4-j klasie) karystaŭsia dosyć aktyŭna. Potym pierastaŭ. Mianie vielmi dzivić, što siońnia ŭ nacyjanalnym ruchu ličycca šykam maciuknucca. Pytaješsia ŭ ludziej: «Čamu?» Adkazvajuć: «Kali ŭžo pa-rasiejsku, dyk tolki matam».
Ihar Katlaroŭ, deputat pałaty pradstaŭnikoŭ: Nie karystajusia i nikoli nie karystaŭsia.
Siarhiej Kalakin, lider Partyi kamunistaŭ biełaruskaj: Skrajnie redka i tolki ŭ ekstremalnych sytuacyjach — kali prostaj movy, kab vykazać svaje emocyi, niedastatkova.
Hienadź Fiadynič, lider Biełaruskaha prafsajuzu rabotnikaŭ radyjoelektronnaj pramysłovaści: Na pracy — nie, heta vyklučana. Užyvaju chiba što ŭ kampanii ź siabrami, dyj toje vielmi redka — mo raz na miesiac.
Viktar Šałkievič, aktor i bard: Z najvialikšaj pryjemnaściu, tolki — u adpaviednych miescach i z adpaviednymi ludźmi. Byvaje taki stan duchu, što varta ŭžyć adno, ci druhoje, ci treciaje słova. Adnojčy ja lacieŭ u Niamieččynu i pierad palotam kupiŭ dźvie butelki strašenna darahoj biełaruskaj harełki «Ŭsiasłaŭ Čaradziej». Išoŭ ź imi pa vulicy i ŭpaŭ. Ale niejkim čynam ja ŭpaŭ tak, što jany ŭ mianie nie pabilisia. I voś, ustajučy, ja skazaŭ słova, jakoje akreślivała moj dušeŭny stan na toj čas. A što kab ja ich raźbiŭ!..
Apytvaŭ AŠ