Piatro Kapituła:Patrebnyja źmieny ŭ ekanamičnaj palitycy
Ha navukovaj kanferencyi “Prablemy prahnazavańnia i dziaržaŭnaha rehulavańnia sacyjalna-ekanamičnaha raźvićcia”, što prajšła pad ehidaj Ministerstva ekanomiki i Nacbanku, były daradca Alaksandra Łukašenki, a ciapier vykładčyk Ekanamičnaha ŭniversytetu Piatro Kapituła zajaviŭ pra patrebu rezkich źmienaŭ u ekanamičnaj palitycy dziaržavy.
Biełaruskaja madel praduhledžvaje značnuju centralizacyju funkcyj kiravańnia, zaznačyŭ jon. Miž tym nikoli dziaržaŭnaja ŭłasnaść, dziaržaŭnaje ŭmiašańnie ŭ ekanomiku nia mohuć być efektyŭnymi, i heta dakazała historyja raźvitoha sacyjalizmu. Umiašańnie dziaržavy ŭ cenaŭtvareńnie strymlivaje raźvićcio ekanomiki. Niama budučyni ŭ biełaruskaj ekanomiki, kali zachavajecca taki nizki ŭzrovień investycyj u jaje, jak ciapier, pryčym bieznadziejna raźličvać na ŭnutranyja krynicy investavańnia. Taksama P.Kapituła zajaviŭ, što Biełarusi nie patrebny taki maštabny mašynabudaŭničy i stankabudaŭničy kompleks — jon vyhadny nie Biełarusi, a Rasiei. Adtul iduć metał, haz, elektraenerhija, naša ž tolki praca. Jon vyhadny zaniataściu ludziej, ale nie ekanamična, bo źjadaje prorvu subsydyjaŭ. Vysnova Kapituły: kali peŭnyja vytvorčaści pracujuć vyklučna na rasiejski rynak, treba pieradać ich adpaviednym rasiejskim karparacyjam, kab jany ich i ŭtrymlivali.
MB; “Źviazda”