Z zapazuchi
Praciah. Pačatak u «NN» № 19-46 za 2003 hod, 8 za 2004 hod
Narastuć!
Mamy niama. Zapisvaju pieśni ad Maruški. Čas ad času, zrabiŭšy pieradych u śpiavańni, tłumačyć:
— U kažnaj pieśni svoj hołas. U kažnaj pieśni svoj vyvad (jak vyvodziać, ciahnuć). A małyja ŭsie advodnyja.
Pad kaniec kreŭnica maja jak by suciašaje j siabie j mianie:
— Pakul hety pieśni zapišaš, novyja narastuć!
Aratajna-žniejnaja duša vieryć u niazvodnaść usiaho žyvoha. I pieśnia — jana žyvaja, jana ž hołas ščyraje dušy.
Bieź vianca
Maruška niejak kazała pra novyja formy šlubu:
— Baba ŭ Vaŭčy k jamu prysvoiłasia: ja tvaja baba.
Nia treba vianca, aby trochu vinca!
Kali ž
Pryjšła maładzica ŭ klub. Marudnyja tancy. Jana ŭ dumkach zaznačaje: «Ciahnuć, jak žabraka za ch…». I čakaje, čakaje. Nia vytrymała:
— Dyk kali ž tancavać pačnuć?
Bo zvykła da skokaŭ z papieŭkami:
Oj ty, sisia, nie trasisia!
Rasstupiciesia, šuja, nie stapčycie mnie ch.ia!
Uprysiadki prysiadaŭ,
Za kasmatuju chvataŭ,
A za tuju kasmatuju
Try dni siadzieŭ za chataju.
Oj, čašy, čašy, čašy za apošnija hrašy!
Ni ruki, ni nohi nia mieli spakoju.
I rukami, i nahami,
I ŭsiakimi spasabami.
Skaku-skaku na palčykach,
Sieła skułka na jajčykach,
Skaku-skaku na piacie,
Sieła skułka na p….ie!
Oj, nia sam ja trasusia,
Mianie čerci trasuć,
A małyja čarcianiatki padkałačavajuć!
Badaj što rytm krychu zapavolvaŭsia, kali prypiavali:
Vychadziła pani Jani,
Tancavała tancy,
Całavała pani Jani
Panu Janu jajcy.
Jak pieradych. Jak uzdych.
Skakała ŭsio, jak u nas kazali, chadziła chadaniom.
Chodzić chata, chodzić doł,
Chodzić na p….ie chachoł!
Kryvičy marudnych tancaŭ nie pryznavali. Jak i kachańnia.
Oj, nia sam ja trasusia,
Mianie čerci trasuć,
A małyja čarcianiatki padkałačavajuć!
Poŭny varyjant artykułu hladzicie ŭ hazecie "Naša Niva".
Ryhor Baradulin