Vialikija hulni vakoł sportu
Sport u Biełarusi — adzin z elementaŭ dziaržaŭnaje palityki. Paćvierdžańnie tamu — štohadovaja «Mienskaja łyžnia», jakaja źbiraje ŭsio kiraŭnictva krainy niezaležna ad hadoŭ dy majsterstva.
Ciažka prydumać lepšy srodak padvyšeńnia rejtynhu, čym demanstracyja kłopatu pra zdaroŭje nacyi dy mižnarodnuju viadomaść krainy. Spartovyja prahramy na telebačańni majuć samyja vysokija rejtynhi, a spartovych zorak viedajuć lepš za luboha palityka. Niezdarma čałaviekam 2003 hodu ŭ Łatvii staŭ futbalist Marys Vierpakoŭskis, čyje trapnyja streły pa bramkach supiernikaŭ dazvolili nacyjanalnaj kamandzie krainy trapić na pieršynstvo Eŭropy.
Abrańnie kiraŭnika dziaržavy ŭ traŭni 1997 h. prezydentam Nacyjanalnaha alimpijskaha kamitetu (darečy, NAK — heta, napeŭna, adzinaja struktura, dzie zachavałasia nazva pasady «prezydent») było ŭspryniataje jak maleńkaja PR-akcyja. Maŭlaŭ, prezydentu spatrebiłasia nahoda, kab pajechać na zimovyja hulni ŭ Nahana'98. Tym bolš što raniejšy kiraŭnik NAK Uładzimier Ryžankoŭ niezadoŭha pierad tym pamior, «zhaniać» z pasady nikoha nie daviałosia. I chto moh tady padumać, što kiraŭnik dziaržavy prabje darohu svaim padnačalenym da viaršyniaŭ spartovaje vertykalnaje leśvicy?
Tak, u 1999 h. na pasadu kiraŭnika Biełaruskaj federacyi futbołu (BFF) byŭ abrany Ryhor Fiodaraŭ, čyjo žyćcio było źviazana ŭ pieršuju čarhu z hramadzianskaj avijacyjaj. Užo tady heta vyklikała niezadavalnieńnie asobnych prychilnikaŭ hulni №1. Varta zhadać šmatlikija sudovyja razborki miž Fiodaravym dy najbujniejšym spartovym vydańniem krainy hazetaju «Priessboł».
Poŭny varyjant artykułu hladzicie ŭ hazecie "Naša Niva".
Źmicier Kazłoŭski