Novy Zapaviet u pierakładzie Čarniaŭskaha
Biełaruski pierakład Novaha Zapavietu, zrobleny ajcom Uładzisłavam Čarniaŭskim, vydała nakładam u 3000 asobnikaŭ Biełaruskaje Biblijnaje tavarystva.
Pierakładam Novaha Zapavietu z łaciny a.Uładzisłaŭ zajmaŭsia z 1968 h. i na pačatku 80-ch skončyŭ pracu. Pravy na vydańnie jon pieradaŭ Biblijnamu tavarystvu jašče pry žyćci, u 2001 h. Padrychtoŭka knihi zaniała jašče kala dvuch hadoŭ. Vokładka knihi stylizavanaja: z staradaŭnim abrazom Rastva, abhornutym tradycyjnym biełaruskim ručnikom.