Stalica viarnułasia ŭ Navahradak
Na dva festyvalnyja dni
U subotu trasa na Navahradak była pierapoŭnienaja. Dziasiatki aŭtobusaŭ i aŭto čaradoju ruchalisia ŭ bok staražytnaha horadu.
Fest «Navahradzki zamak» upieršyniu prajšoŭ čatyry hady tamu. Toje śviata było sucelnym eksperymentam: upieršyniu rekanstrujavalisia staražytnyja bai na Zamčyščy, upieršyniu 30-tysiačny Navahradak prymaŭ tysiačy turystaŭ adrazu.
Miascovyja ŭłady padtrymali fest, i eksperyment pieratvaryŭsia ŭ štodvuchhadovuju tradycyju. Sioleta Navahradak byŭ hatovy pryniać 50 tysiač hledačoŭ. Ale prahnozy nia spraŭdzilisia: praz mocny cyklon sioleta na feście było nia bolej za 10 tys. hledačoŭ. Na raniejšych siaredniaviečnych festach źbirałasia da 40 tysiač, a ŭsie rekordy naviedvalnaści pabiła letašniaje śviata ŭ Niaśvižy, dzie sabrałasia 80 tys.
Na Zamkavaj hary planavałasia ŭstalavać 500 plastykavych kresłaŭ i scenu, ale pieraškodziła nadvorje. Pad viečar na hałoŭnym placy pastavili vialiki ekran — hała-kancert i načny buhurt lud mieŭ mažlivaść razhledzieć va ŭsich padrabiaznaściach. Centar horadu ŭ miežach vulic Mickieviča i Małoj Zamkavaj pieratvaryŭsia ŭ sucelny kirmaš. Staršynia rajvykankamu Anatol Lis kaža, što tolki na handal suvenirnaj pradukcyjaj było padadziena bolš za 100 zajavak..
Poŭny varyjant artykułu čytajcie ŭ papiarovaj i pdf-versii "Našaj Nivy"
Siarhiej Budkin, Miensk—Navahradak