Azaranka adna za ŭsich
Pa vynikach učorašniaha dnia na Ŭimbłdonskim tenisnym turniry ŭ adzinočnych razradach zastaŭsia tolki adzin pradstaŭnik Biełarusi – Viktoryja Azaranka.
Pa vynikach učorašniaha dnia na Ŭimbłdonskim tenisnym turniry ŭ adzinočnych razradach zastaŭsia tolki adzin pradstaŭnik Biełarusi – Viktoryja Azaranka.
U 1/32 finału Vika biez prablem spraviłasia ź siejanaj italjankaj Tacianaj Harbin – 6:1, 6:3. Takim čynam, Azaranka trapiła ŭ lik tryccaci dvuch macniejšych. U nastupnym raŭndzie jana pazmahajecca z češkaj Nikol Vajdzišavaj, jana na Ŭimbłdonie pasiejanaja pad dziesiatym numaram.
Zmahła Viktoryja ŭčora adoleć i pieršy kruh parnaha razradu. Tam jana z rasiejkaj Annaj Čekvietadze pieramahli Suvej Šy (Tajvań) i Ału Kudraŭcavu (Rasieja) – 6:3, 7:5.
Taja ž Čekvietadzie nie dała prajści ŭ 1/16 biełaruscy Tacianie Pučak. Uzrovień hulni tenisistak roźnicca vielmi istotna – 1:6, 3:6.
Adnak najbolš kryŭdnaja dla biełarusaŭ strata učorašniaha dnia – heta Maksim Mirny. Biełarus u zvyšnapružanaj sustrečy prajhraŭ arhientyncu Hiljerma Kanasu – 7:6 (7:4), 1:6, 6:7 (4:7), 6:7 (4:7). Ciapier u Mirnaha ŭsie spadziavańni na paru i mikst.