U zdarovaj apazycyi zdarovaja nacyja
Kali ja atrymaŭ, jak i ŭsie hramadzianie, napiaredadni referendumu specnumar «SB», maju ŭvahu najbolš pryciahnuŭ materyjał niadaŭniaha niezaležnaha žurnalista Siarhieja Kanašyca ab Biełarusi jak spartovaj nacyi.
Artykuł byŭ azdobleny kalarovymi fatazdymkami A.Łukašenki, jaki hulaje ŭ futboł (dziŭna, čamu nie ŭ chakiej), i Julii Nieściarenki. Prahledzieŭšy hety materyjał, ja padumaŭ, što apazycyja całkam i biezahavoračna prajhraje baraćbu z uładaj na spartovaj arenie.
Za apošni čas palityka i sport u sučasnym hramadztvie źnitavalisia tak ciesna, što miažu pamiž imi možna razhledzieć chiba što tolki praź mikraskop. Tamu kožny pavažny palityk nie abminie mahčymaści «zaśviacicca» pierad abjektyvami telekamer razam ź jakoj-niebudź spartovaj zorkaj, što biassprečna dadaść jamu dadatkovych bałaŭ. Ale «ŭsie» — nia značyć biełaruskaja apazycyja, z atačeńnia jakoj nikoli nie čuvać nijakich zajaŭ na spartovuju temu, aproč časam vielmi rezkich słovaŭ Uładzimiera Parfianoviča. Voś niadaŭna prajšli Alimpijskija hulni ŭ Atenach — chaj by tyja ž spn.Surviłła ad uradu BNR ci Viačorka ź Labiedźkam ad imia svaich partyj nakiravali aficyjnaje vinšavańnie medalistam hulniaŭ, dyk nie. Cišynia. Moža, ja čaho nia viedaju, ale pryznajusia — pra takija vinšavańni nia čuŭ.
Poŭny varyjant artykułu hladzicie ŭ hazecie "Naša Niva".
Źmicier Pankaviec, Barysaŭ