Milinkievič sustreŭsia z pasłami Eŭrasajuzu
2 lipienia ŭ Varšavie Alaksandr Milinkievič sustreŭsia z kiraŭnikami dypłamatyčnych misij krain Jeŭrasajuza, jakija znachodziacca ŭ Polščy, a taksama z arhanizatarami stypiendyjalnaj prahramy imia Kastusia Kalinoŭskaha.
Jak paviedamiła pres‑słužba palityka, padčas sustreč buduć abmierkavanyja hramadska‑palityčnaja situacyja ŭ Biełarusi, a taksama dalejšaje ažyćciaŭleńnie prahramy imia K.Kalinoŭskaha, jakaja skiravana na padtrymku represavanych studentaŭ.
Napiaredadni vizitu ŭ Polšču A.Milinkievič padkreśliŭ nieabchodnaść dałučeńnia ŭsich krain Jeŭrapiejskaha sajuza da hetaj prahramy. «Prahrama imia Kalinoŭskaha vielmi važnaja dla baraćby sa stracham, dla taho kab prademanstravać salidarnaść z represavanaj moładździu, kab usie adčuvali, što my adzinaja moc. Dałučeńnie da hetaj prahramy inšych krain Jeŭrasajuza budzie śviedčyć pra jeŭrasalidarnaść z represavanaj moładździu našaj krainy, a taksama pra ahulnuju pazicyju ES datyčna dziejańniaŭ aŭtarytarnaha režymu», — skazaŭ A.Milinkievič.