Dźviuchstupieńčatyja prafesary
Pra heta raskazaŭ staršynia Vyšejšaj atestacyjnaj kamisii Anatol Rubinaŭ paśla sustrečy z Łukašenkam. Prafesaraŭ siońnia ŭ Biełarusi kala 1300 čałaviek. Ź ich šerahaŭ buduć vyłučany «apornyja punkty», jakija majuć ruchać napierad navuku va ŭniversytetach. Hetyja navukoŭcy, takim čynam, majuć stać «prafesarami druhoj stupieni» — bolš vysokaj, čym zvyčajnaja, svojeasablivymi akademikami pa-za akademijaj. Uhanaravanyja takim čynam buduć kala 250 prafesaraŭ. Kvoty na zvańnie buduć vyłučany ŭsim VNU krainy. Im buduć płacić vyšejšyja zarobki i h.d. A kali chto «akažacca niedastojny» takoha zvańnia, u takoha prezydent budzie mieć prava jaho zabrać.
Akademik Radzim Harecki, da jakoha «NN» źviarnułasia z prośbaj prakamentavać sytuacyju, acharaktaryzavaŭ novaŭviadzieńnie jak mituśniu: «U nas narmalnaja systema navukovych zvańniaŭ i stupieniaŭ. Hetyja novaŭviadzieńni nijak nia buduć spryjać raźvićciu navuki, a tolki adciahnuć ad navukovaj dziejnaści. Ludzi buduć bolej dbać pra toje, kab trapić u łasku, a nie pracavać». Jak admoŭny prykład padobnych administracyjnych perturbacyj niadaŭniaha času, jakija nie apraŭdali siabie, Harecki nazvaŭ uviadzieńnie instytutu ardynarnych prafesaraŭ u susiedniaj Rasiei.
Instytut «novych prafesaraŭ» — nie adzinaja navina ŭ navukovaj sfery. Palityka «piernika» ŭdała spałučajecca z palitykaj «bizuna».
Poŭny varyjant artukułu čytajcie ŭ hazecie "Naša Niva"
Arkadź Šanski