Sała daražeje najchutčej
Pavodle Minstatu, rekardsmenam pa darahoŭli letaś było sała — cana na jaho padniałasia na 46,3%. Śvinina padaražeła na 42,5%, jałavičyna pieršaj katehoryi — na 35,5%. Taksama šparka raśli ceny na pasłuhi — płata za prajezd u transparcie dy košt jurydyčnych pasłuh pavysilisia na 33—36%. Siarod niecharčovych tavaraŭ u rekardsmenach rovary z matacykłami (na 17,3%), hazety (16,2%) dy pralnyja mašyny (14,3%).
360-tonny BiełAZ
Novaja mahutnaja mašyna — bolš za 360 ton — budzie stvorana na pradpryjemstvie BiełAZ dla patrebaŭ vuhalnych razrezaŭ Kuzbasu. Dahetul samaj mahutnaj mašynaj byŭ samaskid hruza-padymalnaściu 220 t.
Viarnicie hrošy!
Biełaruś vykarystoŭvaje administracyjny resurs u baraćbie z vynikami cunami — ministar sportu i turyzmu Jury Sivakoŭ nakiravaŭ u Rasiejskaje federalnaje ahienctva pa turyźmie list, prapanavaŭšy vypłacić kampensacyi biełaruskim turystam, jakija admovilisia jechać na razburanyja kurorty Paŭdniova-Ŭschodniaj Azii. Biełaruskija turaperatary pradavali padarožžy, prapanavanyja maskoŭskimi firmami. Ciapier rasiejskija kampanii masava admaŭlajucca viartać hrošy.
Astatnija naviny čytajcie ŭ papiarovaj i pdf-versii hazety "Naša Niva"
AK; AFN, BiełaPAN, svaboda.org