Biełarusy — narod prahmatyčny
25 sakavika revalucyi nie adbyłosia. Nie ŭdałosia. Revalucyja nia moža vybuchnuć z voli adnaho palityka.
25 sakavika na Kastryčnickuju płošču vyjšli 2000 čałaviek — pradprymalniki, studenty, a taksama ludzi, jakich možna acharaktaryzavać jak «tyja, kamu nia ŭsio adno», ludzi, dla jakich Dzień Voli — śviata. Ale padčas akcyi było bolš amapaŭcaŭ, čym demanstrantaŭ — sucelnaja ściana z kasak i ščytoŭ, takaja šeraja ściana. Šeraja ściana strachu. Strachu pierad mahčymymi źmienami. Strachu stracić uładu.
U palitycy mahčymy mnohija niejmaviernyja rečy. Voźmiem Kirhiziju — sytuacyja ŭ Biškieku kardynalna źmianiłasia za ličanyja hadziny, ale — adčujcie roźnicu — chvalavańni ŭ Kirhizii pačalisia z nahody parlamenckich vybaraŭ, mienavita falsyfikacyi padšturchnuli narod na vulicy.
Biełaruskija realii zastajucca biełaruskimi realijami. Biełarusy — narod prahmatyčny. Śviata BNR možna adznačyć u bolš pryjemnaj kampanii, čym amapaŭcy z dubinkami. Było b žadańnie! Druhaja sprava — vybary prezydenta, tut mahčymy inšy scenar raźvićcia padziej.
Miensk