Hulnia samurajaŭ
Tolki ŭ śnie abo ŭtapičnym ramanie ŭjaŭlaju sabie raściažku nad praspektam Skaryny: «Pryvitańnie ŭdzielnikam čempijanatu Biełarusi pa japonskich šachmatach (siohi)». Ekacentar, što na Makajonka, 8, u lutym i sakaviku cicha-mirna prymaŭ vasiamnaccać najlepšych hulcoŭ u siohi, darosłych i dziaciej. 27 sakavika ŭ finale pieršynstva sustrelisia Piotar Paŭłovič, student Nacyjanalnaha techničnaha ŭniversytetu, i Siarhiej Karčycki, vykładčyk łaciny ŭ Linhvistyčnym universytecie. Aproč dvuch aktyvistaŭ niezarehistravanaj Biełaruskaj asacyjacyi siohi, karespandent «NN» byŭ adzinym, chto naziraŭ za batalijami na 81-kletkavaj došcy.
Hulcy siadzieli nie na kukiškach, abapieršysia na paduški, jak heta pryniata ŭ japonskich prafesijanałaŭ, a na zvyčajnych kresłach, karystalisia zvyčajnym šachmatnym hadzińnikam. Letašni čempijon Biełarusi Karčycki pieramoh ź likam 3:0 i budzie pradstaŭlać Biełaruś na suśvietnym feście amataraŭ siohi, što projdzie ŭ kastryčniku ŭ Tokijo. Čempijon redahuje časopis «Teakratyja», vučyć ulubionaj hulni mienskich himnazistaŭ. Imia P.Paŭłoviča mienš viadomaje ŭ kalašachmatnym śviecie, adnak i jon za try hady hulni ŭ siohi dabiŭsia pośpiechu. U čempijanacie-2005 adoleŭ hroznaha Ŭładzimiera Niakrasava, jaki ŭsurjoz spaborničaje sa sp.Karčyckim i maje druhi ŭ krainie siohi-rejtynh.
Poŭny varyjant artykułu čytajcie ŭ papiarovaj i pdf-versii hazety "Naša Niva"