Первые книги из серии «Паэты планеты» презентуют сегодня в Национальной библиотеке
Сёння, 11 кастрычніка, у Нацыянальнай бібліятэцы Беларусі (галерэя, 2-гі паверх) пройдзе прэзентацыя першых 9-ці кніг серыі «Паэты планеты» з удзелам выдаўца Зміцера Коласа і перакладчыкаў — Лявона Баршчэўскага, Андрэя Хадановіча, Ганны Янкуты і іншых. Наведнікаў чакаюць сюрпрызы.
У серыі дагэтуль выйшлі зборнікі выбранай паэзіі Сапфо, Умара Хаяма, Франчэска Петраркі, П'ера дэ Рансара, Ўільяма Шэкспіра, Ёгана Вольфганга Гётэ, Шарля Бадлера, Райнэра Марыя Рыльке, Габрыэлы Містраль.
Кнігі Умара Хаяма і Габрыэлы Містраль выйшлі ў перакладзе Рыгора Барадуліна, зборнік Р.М.Рыльке пераклаў Васіль Сёмуха.
Падчас імпрэзы можна будзе набыць кніжкі серыі па спецыяльным, зніжаным кошце.
Пачатак — а 16.00.