Kšyštaf Zanusi pra zvalnieńnie prafiesara Švieda: Biełarusy sami pavinny vykazacca
Suśvietnaviadomy polski režysior źjaŭlajecca hanarovym prafiesaram Hrodzienskaha ŭniviersiteta.
Hanarovy prafiesar Hrodzienskaha dziaržaŭnaha ŭniviersiteta imia Janki Kupały Kšyštaf Zanusi ličyć niedapuščalnym pieraśled akademičnaj supolnaści ŭ Hrodnie:
«Sistema ŭ Biełarusi — heta vyklučeńnie, inšaj takoj krainy ŭ Jeŭropie niama. Hetyja rašeńni niedapuščalnyja.Heta nijak nie ŭpisvajecca ŭ jeŭrapiejskija standarty».
A ci hatovyja Vy padklučycca da akcyi salidarnaści sa zvolnienymi vykładčykami?
Ja nie baču sensu pisać listy i rabić niejkija kroki. Z ułasnaha dośviedu žyćcia ŭ padobnaj sistemie ja viedaju, što takija žesty značać nie šmat.Kali ŭźniknie takaja nieabchodnaść, to ja abaviazkova pradprymu peŭnyja kroki. Ale siońnia ja nie baču ŭ ich sensu. Na praktycy jany ničoha nie źmieniać.
Heta sprava biełarusaŭ, jany pavinny vykazvacca na hety kont. Bo kožny pavinien sam zmahacca za svabodu.Niachaj spačatku jany adkažuć na pytańnie: jaki vybar jany zrabili, jak narod.
***
Nahadajem, nahodaj dla zvalnieńnia historykaŭ Andreja Čarniakieviča i Viačasłava Švieda stała ich praca nad knihaj pa historyi Hrodna «Hrodnaznaŭstva». Miascovyja ŭłady paličyli knihu kramolnaj. Paźniej staršynia Hrodzienskaha abłvykankama Siamion Šapira publična pryznaŭsia, što asabista addaŭ zahad zvolnić Andreja Čarniakieviča
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary