Uzłamany sajt začynienaha ŭładami pravaabarončaha centra «Viasna».
Pra heta paviedamiła kala 22:20 u čaćvier u svaim akaŭncie ŭ fejsbuku pravaabaronca Taćciana Raviaka.
«Zaraz była ažyćciaŭlena ataka i zamieniena infarmacyja.
U pryvatnaści, była zamiena infarmacyja pra padpisańnie Kurejčykam pietycyi suprać śmiarotnaha pakarańnia — napisana, što jon padtrymaŭ śmiarotnaje pakarańnie.
Taksama zamieniena infarmacyja pra pazicyju Mižnarodnaj fiederacyi za pravy čałavieka (FIDH) — napisana toje, što jana vystupaje ŭ padtrymku dziaržaŭnaj palityki Biełarusi
Heta nie naša infarmacyja!!!! Sajt uzłamany», — paviedamiła Taćciana Raviaka.
Praź niekatory čas supracoŭniki stali adnaŭlać infarmacyju i zahałoŭki byli adnoŭlenyja.
***
Nahadajem, što siońnia ranicaj byŭ uzłamany sajt «Biełaruskaha partyzana».
Chakiery raźmiaścili na hałoŭnaj staroncy «pasłańnie», u jakim tłumačać svoj učynak.
«My mahli b zavalić i vas, i „Chartyju“, i „Viasnu“, i mnohich inšych jašče daŭno, ale my dajom vam mahčymaść isnavać pad našym kantrolem. Čamu my heta nie rabili? Prosta cikava, chto, adkul i ŠTO kaža. A ciapier u nas jość śpis havarunoŭ, jakich papiaredžvajem ŭ apošni raz: kažycie, pišycie, ale nie zaryvajciesia, nie treba lić brud i abražać ASOBU», — kazałasia ŭ zvarocie. Praź niekatory čas sajt adnaviŭ pracu.
-
Baćka daradcy Cichanoŭskaj Dzianisa Kučynskaha pracuje ŭ kiraŭnictvie vykankama? Nie, heta nie tak
-
«70 zakazaŭ na dzień». Biełaruska vypiakaje ŭ Varšavie vielikodnyja bułki, jakija ździŭlajuć palakaŭ
-
Viedajecie łubin? Navukoŭcy ź Minska raspracavali katlety ź jaho. Ale sami nie hatujcie ni ŭ jakim razie!
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary