Lidar apazicyi Vieniesueły Enrykie Kapryles maje namier patrabavać u Viarchoŭnym sudzie krainy admieny vynikaŭ prezidenckich vybaraŭ, jakija 14 krasavika vyjhraŭ pierajemnik Uha Čavesa Nikałas Madura.
Vystupajučy pa apazicyjnym telekanale, Kapryles taksama zajaviŭ, što jon bajkatuje pieralik hałasoŭ,
pakolki, na jaho dumku, aŭdyt pavinien tyčycca nie tolki biuleteniaŭ, ale i aktaŭ, u jakich raśpisvajucca vybarščyki paśla hałasavańnia i adnačasova pakidajuć svaje adbitki palcaŭ,adnak Nacyjanalnaja vybarčaja rada nie źbirajecca dapuskać pradstaŭnikoŭ apazicyjnaha vybarčaha štaba da hetych aktaŭ.
«U hetych umovach aŭdyt hublaje sens, i my admaŭlajemsia ad udziełu ŭ im», — adznačyŭ Kapryles.
Kapryles, jaki prajhraŭ Madury 1,6% hałasoŭ, raniej abvinavaciŭ urad u tym, što jon skraŭ u jaho pieramohu dla taho, kab vyšejšuju pasadu ŭ krainie zaniaŭ pierajemnik Čavesa.
Pa aficyjnych padlikach, Madura, jaki vykonvaŭ abaviazki prezidenta paśla śmierci Čavesa, atrymaŭ na vybarach krasaviku 14 50,7% hałasoŭ, tady jak Kapryles - 49,1%.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary