Za hienieralnaha dyrektara «Urałkalija» Uładzisłava Baŭmhiertniera, jaki 21 listapada byŭ ekstradavany ŭ Rasiju, vykup u pamiery 100 młn. dołaraŭ ZŠA nie vypłačvaŭsia, paviedamiła hazieta «Kommiersant'» sa spasyłkaj na svaje krynicy.
21 kastryčnika na sustrečy z redaktarami ŚMI SND Alaksandr Łukašenka zajaviŭ, što top-mieniedžar rasijskaj kampanii budzie vydadzieny Rasii tolki paśla kampiensacyi nibyta naniesienaha Biełarusi ŭronu.
Krynicy «Kommiersanta» miarkujuć, što Łukašenku zadavoliła źmiena asnoŭnaha ŭładalnika «Urałkalija», jakoj jon damahaŭsia.
Rašeńnie ab ekstradycyi było pryniataje praz try dni paśla aficyjnaj abjavy ab prodažy Fondam Sulejmana Kierymava ŭsich akcyj, jakija naležali jamu, hrupie «Aneksim» Michaiła Procharava i ŭładalniku chimičnaj kampanii «Urałchim» Dźmitryju Maziepinu. Hetaha ŭradženca Minska ličać biźniesmienam, blizkim da biełaruskaha kiraŭnika.
Pradstaŭniki «Urałkalija» vyzvaleńnie Baŭmhiertniera kamientavać nie stali. Adna z krynic zajaviła, što ekstradycyja abvinavačvanaha stała «dobraj volaj» Łukašenki paśla zajavy pra chutkuju źmienu akcyjaniera. Inšy surazmoŭca haziety adznačyŭ, što damoŭlenaści pra heta byli dasiahnutyja raniej na «bolš vysokim niekarparatyŭnym uzroŭni».
Kamientary