I Ministerstva pracy i sacyjalnaj abarony viedaje jak.
Pastanovaj Ministerstva pracy i sacyjalnaj abarony Biełarusi ŭstanoŭleny pamiery minimalnych spažyvieckich biudžetaŭ u cenach vieraśnia 2007 hoda dla 18 sacyjalna‑demahrafičnych hrup nasielnictva. Ab hetym karespandentu BIEŁTA paviedamiła načalnik upraŭleńnia kompleksnych prablem raźvićcia sacyjalna‑pracoŭnaj śfiery Minpracy i sacabarony Tamara Rak. Hetyja narmatyvy buduć dziejničać z 1 listapada pa 31 studzienia 2008 hoda.
Tamara Rak nahadała, što ŭ adpaviednaści z Zakonam Respubliki Biełaruś «Ab farmiravańni i vykarystańni minimalnaha spažyvieckaha biudžetu» hety sacyjalny narmatyŭ ujaŭlaje saboj raschody na nabyćcio naboru spažyvieckich tavaraŭ i pasłuh dla zadavalnieńnia asnoŭnych fizijałahičnych i sacyjalna‑kulturnych patrebnaściej čałavieka.
Pavodle słoŭ śpiecyjalista, siaredniedušavy minimalny spažyviecki biudžet siamji z čatyroch čałaviek z 1 listapada składzie Br289 tys. 110 u raźliku na miesiac (z 1 žniŭnia biahučaha hoda jon składaŭ Br282 tys. 630, z 1 maja — Br275 tys. 600, ź lutaha — Br265 tys. 110).
U paraŭnańni ź ciapier dziejučym narmatyvam minimalny spažyviecki biudžet siamji z čatyroch čałaviek uzrastaje na 2,3 pracenta.
Tamara Rak padkreśliła, što hety sacyjalny narmatyŭ słužyć asnovaj dla vyznačeńnia prava na atrymańnie lhotnych kredytaŭ i subsidyj na budaŭnictva (rekanstrukcyju) abo nabyćcio žyłych pamiaškańniaŭ, na ramont žylla dla žycharoŭ małych nasielenych punktaŭ.
Načalnik upraŭleńnia adznačyła, što struktura siaredniedušavoha minimalnaha spažyvieckaha biudžetu siamji z čatyroch čałaviek u cenach vieraśnia 2007 hoda nastupnaja:
- pradukty charčavańnia — 48,8 pracenta,
- adzieńnie, abutak, bializna — 19,5 pracenta,
- pradmiety kulturna‑bytavoha i haspadarčaha pryznačeńnia — 6,6 pracenta,
- pradmiety sanitaryi, hihijeny, lakarstvy — 1,8 pracenta,
- apłata žylla i kamunalnyja pasłuhi — 10,5 pracenta,
- bytavyja pasłuhi, transpart, suviaź — 8,3 pracenta
- i inšyja.
Fota photo.bymedia.net
Kamientary