Pradstaŭniki i lidery čatyroch haradzkich struktur palityčnych partyjaŭ dy adnoj prafsajuznaj supołki adzinym kandydatam ad rady demakratyčnych sił Babrujsku na prezydenckija vybary 2015 hodu abrali biblijatekarku Śviatłanu Hrycenku.
U Babrujsku siabry apazycyjnych arhanizacyjaŭ vyłučyli svajho pretendenta na prezydenctva. Pradstaŭniki i lidery čatyroch haradzkich struktur palityčnych partyjaŭ dy adnoj prafsajuznaj supołki adzinym kandydatam ad rady demakratyčnych sił Babrujsku na prezydenckija vybary 2015 hodu abrali biblijatekarku Śviatłanu Hrycenku. Jana — siabra arhkamitetu dziela stvareńnia partyi «Biełaruskaja chryścijanskaja demakratyja».
Aktyvist Biełaruskaj sacyjał-demakratyčnaj partyi (Hramada) Jury Hryniaviecki zajaŭlaje: babrujskija demakraty, vyłučyŭšy pretendenta na prezydenctva, prapanavali šlach da abjadnańnia demakratyčnych sił Biełarusi.
«My vyrašyli svoj šlach prapanavać da abjadnańnia ź nizu da vierchu, bo ŭ Miensku adny zvady. Tam dzielacca na hrupoŭki. My ž chočam da adzinstva pryjści. Usiamu narodu pakazać, što apazycyja moža abjadnacca».
Partyjec pryznaje, što vyłučenka z Babrujsku naŭrad ci stanie adzinym kandydatam na prezydenctva ad apazycyi, ale padkreślivaje, što ichnaja meta — abjadnańnie demakratyčnych sił Biełarusi.
Śviatłana Hrycenka paćvierdziła Svabodzie, što pahadziłasia stać pretendentkaj na vyłučeńnie ŭ prezydenty ad babrujskich demakrataŭ. Aktyvistka kaža, što razumieje, jakuju adkaznaść biare na siabie, i što jejnaje rašeńnie — nie hulnia:
«Ja razumieju, što havarylniaj ničoha nia źmieniš — treba rabić kankretnyja spravy. Mnie blizkija teoryja i praktyka małych spraŭ. Kamuści treba dapamahčy dreva śpiłavać, kamuści — dapamahčy prybrać niešta, to bok treba pačynać z małoha. U nas ža chutka chočuć stać prezydentami, ale nie atrymlivajecca. Spačatku treba ziamlu pataptać, kab ciabie zapomnili, a potym užo bracca za bolšaje. Staŭleńnie ludziej da apazycyi ciapier takoje, što jana lataje niaviedama dzie».
Pavodle aktyvistki, pieršaje, što nieabchodna zrabić apazycyi pierad vybarami prezydenta, — heta źmianić padychody da farmavańnia vybarčych kamisijaŭ. U hetym jana pierakanałasia, kali ŭdzielničała ŭ sioletniaj vybarčaj kampanii. Jana balatavałasia ŭ harsaviet.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary