9 maja stancyja mietro «Płošča Pieramohi» budzie pierakryta, vychady z «Kastryčnickaj» abmiežavanyja
Padčas praviadzieńnia śviatočnych mierapryjemstvaŭ 9 maja, prymierkavanych da Dnia Pieramohi, źmienicca režym pracy mietrapalitena.
Jak paviedamlaje HUUS Minharvykankama,
z 6.30 i da zakančeńnia ŭračystaściaŭ uvachod i vychad hramadzian ź mietro na stancyi «Płošča Pieramohi» budzie ažyćciaŭlacca z boku vulicy Kazłova. Niepasredna padčas cyrymonii ŭskładańnia viankoŭ da manumienta Pieramohi pasadka i vysadka pasažyraŭ na hetaj stancyi ažyćciaŭlacca nie budzie da zakančeńnia mierapryjemstvaŭ.
Ciahniki na stancyi «Kastryčnickaja» buduć funkcyjanavać z pasadkaj i vysadkaj pasažyraŭ, ale buduć abmiežavanyja vychady i ŭvachody da Centralnaha doma aficeraŭ i Pałaca kultury prafsajuzaŭ.
Jak rastłumačyŭ namieśnik načalnika UUS pa achovie Minskaha mietrapalitena Valeryj Klindziuk, dla zabieśpiačeńnia hramadskaha paradku na stancyjach, nabližanych da miescaŭ praviadzieńnia mierapryjemstvaŭ, buduć skancentravanyja dadatkovyja siły supracoŭnikaŭ upraŭleńnia. Na hetych stancyjach čakajecca značnaje pavieličeńnie pasažyrapatoku.
Kamientary