Epicentr antyterarystyčnaj apieracyi va Ukrainie pieramiaściŭsia ŭ Danieck. U paniadziełak bajeviki pasprabavali zachapić budynak aeraporta.
U 13:00 terarystam, jakija niezakonna pranikli na terytoryju aeraporta ŭ horadzie Danieck, byŭ vyłučany ultymatum skłaści zbroju i zdacca siłam ATA.
Im paviedamili, što ŭ vypadku nievykanańnia patrabavańniaŭ ukrainskimi siłavikami budzie ŭžyty siłavy varyjant vyzvaleńnia aeraporta.
«Terarysty nie vykanali patrabavańniaŭ ukrainskich siłavikoŭ, pa pazicyjach terarystaŭ byŭ naniesieny avijacyjny ŭdar. Spačatku samalot SU-25 vykanaŭ papieradžalnyja streły z metaj prymusić terarystaŭ vykanać umovy udzielnikaŭ ATA. U šerahach bajevikoŭ pačałasia panika. Paśla hetaha samalot MiH-29 nanios avijaŭdar pa miescach navały terarystaŭ», — paviedamiŭ kiraŭnik pres-centra atama Uładzisłaŭ Sielaźnioŭ.
Pa stanie na 14.40, pa słovach Sielaźniova, ahniom viertalota ahniavoj padtrymki była źniščana zienitnaja ŭstanoŭka, jakaja «pracavała» ŭ aeraporcie Daniecka suprać sił ATA.
Častka terarystaŭ paśla pačatku antyterarystyčnaj apieracyi ŭ aeraporcie Daniecka raźbiehłasia pa dvarach bližejšych žyłych damoŭ, raźličvajučy, što ŭkrainskaja avijacyja nie budzie stralać pa ich, kab nie paciarpieli cyvilnyja asoby.
Kala 17.00 da bajavikoŭ prybyło padmacavańnie. Terarysty ŭziali pad kantrol Puciłaŭski most.
U hety ž čas byli evakuiravanyja ludzi z čyhunačnaha vakzała i bližejšych handlovych centraŭ.
Adnak biez achviar nie abyšłosia. Na aŭtastancyi čyhunačnaha vakzała aŭtamatnaj čarhoj zabity parkoŭščyk.
Na dadzieny momant apieracyja pa začystcy aeraporta praciahvajecca.
Ustrymacca ad pajezdak u rajony danieckaha aeraporta i čyhunačnaha vakzała, a taksama pa mahčymaści nie vychodzić z domu zaklikaŭ žycharoŭ horada Daniecki haradski hałava Alaksandr Łukjančanka.
Čamu YouTube vydaliŭ kanały BiełTA, STB i ANT? Voś što viadoma11
Kamientary