«Krambambula» rychtuje prahramu partyzanskich antysavieckich piesień

Hurt «Krambambula» zaraz aktyŭna pracuje ŭ studyi nad novaj płytkaj, jakaja budzie składacca z «partyzanskich» piesień. Upieršyniu ich možna budzie pačuć razam ź viadomymi chitami 2 žniŭnia na feście Galapagai (Litva), na jaki biełarusy majuć mahčymaść atrymać biaspłatnyja vizy.

– Pieśni novaj prahramy ŭmoŭna «partyzanskija» – jany raspaviadajuś pra zmahańnie volnalubnych ludziej ź niejkim voraham, – tłumačyć lidar hurta Lavon Volski. – Tut my majem spravu z «machrovaj antysavieččynaj», bo vorah – heta savieckaja systema, ci to, jak kažuć niekatoryja, «savieckaja akupacyja», jakaja pačałasia na našych ziemlach z 20-ch hadoŭ minułaha stahodździa. Ale pra hetyja dramatyčnyja padziei «Krambambula» śpiavaje z ułaścivymi joj humaram dy ironijaj.

Sam albom maje vyjści bližej da kanca hodu, tamu usich naviednikaŭ Galapagai čakaje sapraŭdny ekskluziŭ. Akramia «Krambambuli» ad Biełarusi ŭ fiestyvali, jaki adbudziecca 1-2 žniŭnia, biare ŭdzieł hurt «Biez bileta». Siarod zamiežnych chedłajnieraŭ The Baseballs (Hiermanija), Supersci (Šviecyja), Mr. Woodnote (Vialikabrytanija). Ahułam na 4 scenach vystupić bolš za 40 artystaŭ. Arhanizatary taksama abiazcajuć šmat hulniaŭ i zabaŭ.

Fest adbyvajecca na vostravie pasiarod voziera ŭ haradku Zarasaj u 131 kiłamietry ad Vilniusa, 70 km ad Brasłava (praz Daŭhaŭpiłs). Dajechać tudy možna na admysłova arhanizavanym bas-tury, a taksama na asabistym aŭto albo na ciahniku ź Vilni (da stancyi Turmantas, dalej maršrutka).

Biaspłatnaja viza: kvitki na hety fest zabiaśpiečany biaspłatnymi vizami z terminam znachodžańnia z 1 da 3 žniŭnia ŭklučna. Padača dakumientaŭ tradycyjna sproščanaja – daviedki ź miescy pracy/navučańnia, paćvierdžańni płatazdolnaści nie patrebnyja. Padrabiaznaja infarmacyja pa zapaŭnieńni ankiet i inšych niuansach – www.shabli.by 

Umovy prodažu kvitkoŭ: adzin kvitok na adzin pašpart. Kali vy nie majecie dziejnaj vizy, dla nabyćcia kvitka vam treba spačatku zarehistravacca na padaču dakumientaŭ u ambasadzie Litoŭskaja Respubliki ŭ Biełarusi na daty z 1 pa 23 lipienia (elektronny zapis na sajcie http://by.mfa.lt) i razdrukavać paćvierdžańnie rehistracyi. Novyja miescy na padaču dakumientaŭ źjaŭlajucca kožny pracoŭny dzień. 

Prodaž kvitkoŭ: z 26 červienia tolki na ofisie ahiencyi «Šabli»: horad Minsk, vulica Čarviakova 6, padjezd 3, cokalny pavierch (z 9:00 da 19:00 hadzin u pracoŭnyja dni).

Košty na kvitki: standartny (ŭvachod i miesca ŭ kiempinhu) – 420 tys. rub, aŭtobusny tur u dva baki – 500 tys. rub. Kvitki katehoryi «Kamfort» (hatovy dla pražyvańnia namiot + spalniki + cišotki fiestu + šampanskaje + kava ranicaj): na 2 čałavieki – 1 900 tys. rub., na 3 čałavieki – 2 720 tys. rub., na 4 čałavieki – 3 550 tys. rub.

Infalinija ŭ Biełarusi: +375 33 6555596; +375 29 6555596, +375 17 395 05 65.

• 0
• 0
• 0
• 0
• 0
• 0
• 0
• 0