Prezident Litvy Dala Hrybaŭskajcie była adzinym lideram krain Jeŭrasajuza, jaki ŭstrymaŭsia ŭ subotu padčas hałasavańnia za pryznačeńnie Donalda Tuska i Fiederyki Mahieryni na važnyja pasady ŭ ES, paviedamili partału EUobserver niekalki krynic u ES.
Pierad samitam ES, na jakim było pryniata rašeńnie ab pryznačeńni novaha čynoŭnika na post Ketryn Eštan, kiraŭnik Litvy zajaviła, što asoba, jakaja zajmaje hety post, nie pavinna być «adkryta prakramloŭskaj».
«Litva prytrymlivałasia i prytrymlivajecca pazicyi, što heta pavinien być daśviedčany čałaviek, heta pavinien być čałaviek, jaki moža znajści kansiensus pa mižnarodnych pytańniach u ES», — skazała žurnalistam Hrybaŭskajcie.
Krainy Bałtyi i Polšča krytyčna acanili kandydaturu 41-hadovaj Mahieryni, vykazali zdahadku, što joj nie chapaje vopytu i jana, być moža, zajmaje prarasiejskuju pazicyju.
Kali jaje kandydaturu ŭpieršyniu pradstavili ŭ lipieni, lidery Vialikabrytanii i krain Uschodniaj Jeŭropy błakavali jaje pryznačeńnie.
I ŭsio ž dziakujučy łabizmu premjera Italii Matea Renca z pačatku žniŭnia źmiakčyli svaju pazicyju, a Rym padtrymaŭ bolš žorstkija sankcyi ŭ dačynieńni da Rasii, niahledziačy na toje, što jana źjaŭlajecca važnym partnioram Italii.
U pieršych kamientarach paśla pryznačeńnia Mahieryni padkreśliła nieabchodnaść dypłamatyčnaha pahadnieńnia z Rasijaj.
«Dumajučy i pracujučy na ŭzroŭni sankcyj, my pavinny pakinuć dypłamatyčny šlach adkrytym,… u nadziei, što kambinacyja, mudraja kambinacyja, moža być dziejsnaj», — skazała jana.
Ź inšaha boku, procivahaj Mahieryni staŭ Donald Tusk — pieršy pradstaŭnik z Uschodniaj Jeŭropy, jaki zojmie pasadu staršyni Savieta ES. Jon viadomy jak žorstki krytyk Kramla, asabliva ŭ pytańni ŭkrainskaha kryzisu.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m88
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1414
Kamientary