Žurnalistka Maryna Koktyš vyjhrała spravu suprać Biełarusi ŭ Kamitecie pa pravach čałavieka AAN
Kamitet pa pravach čałavieka AAN pryznaŭ, što pravy žurnalistki «Narodnaj voli» parušanyja pry admovie joj u akredytacyi ŭ Pałacie pradstaŭnikoŭ biełaruskaha parłamienta.
Sprava z admovaj u akredytacyi ciahniecca jašče z 2008 hoda.
Žurnalistka źviartałasia z prośbaj ab akredytacyi pry pałacie pradstaŭnikoŭ nacyjanalnaha schodu RB, ale biez tłumačeńnia pryčyn atrymała admovu, choć raniej takuju akredytacyju mieła.
Redakcyja «Narodnaj voli» nakiravała zvarot da staršyni pałaty pradstaŭnikoŭ. Adkazaŭ haziecie nie śpikier, a staršynia Kamisii pa pravach čałavieka, nacyjanalnych adnosinach i ŚMI Juryj Kułakoŭski. U vusnaj formie jon patłumačyŭ, što žurnalistcy zabaronieny dopusk u Dom uradu.
Paśla hetaha Maryna Koktyš niekalki razoŭ źviartałasia ŭ sud, ale situacyja z akredytacyjaj žurnalistki tak i nie źmianiłasia. Ciapier ža sprava namieśnicy hałoŭnaha redaktara «Narodnaj voli» była razhledžanaja na pasiadžeńni Kamiteta pa pravach čałavieka AAN.
Siabry Kamiteta pryjšli da vysnovy, što biełaruskija ŭłady pry admovie ŭ akredytacyi parušyli artykuł 19 Mižnarodnaha pakta ab hramadzianskich i palityčnych pravach, jaki harantuje kožnamu čałavieku prava na svabodny zbor, pošuk i raspaŭsiud infarmacyi.
– Biezumoŭna ja rada, što mižnarodnaja pravavaja supolnaść nie zabyvajecca na pravy biełaruskich žurnalistaŭ i padtrymlivaje nas. Choć ja vielmi sumniavajusia, što paśla dadzienaha rašeńnia situacyja z majoj akredytacyjaj niejak źmienicca, – raspaviała Maryna Koktyš pres-słužbie HA «Biełaruskaja asacyjacyja žurnalistaŭ».
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty38
Kamientary