Z-za niezdavalniajučych vynikaŭ na mižnarodnaj arenie baskietbalisty kłuba «Cmoki-Minsk» admovilisia ad kastryčnickaj zarpłaty.
Jak paviedamiła 3 listapada pres-słužba kłuba, paśla piaci paražeńniaŭ zapar u Adzinaj lizie VTB adbyŭsia schod. «Hulcy razam z kiraŭnictvam i pradstaŭnikami trenierskaha štaba abmiarkoŭvali pryčyny niaŭdałych vystupleńniaŭ, a taksama sposaby, jakija mohuć dapamahčy družynie pieraadoleć kryzis. Paśla abmienu mierkavańniami i adkrytaj mužčynskaj hutarki spartsmieny pryniali rašeńnie, jakomu ciažka znajści anałahi ŭ historyi biełaruskaha sportu. Usie biez vyklučeńnia «cmoki» dobraachvotna admovilisia ad naležnych pa kantraktach zarpłat za kastryčnik, kab dadatkova matyvavać siabie da palapšeńnia vynikaŭ na kantynientalnaj arenie», — havorycca ŭ pres-relizie.
«U našaj kamandzie sabralisia daśviedčanyja i ambicyjnyja spartsmieny. Jany dobra razumiejuć, u jakim stanoviščy apynuŭsia kalektyŭ. Vidavočna, što ŭ piaci startavych matčach Adzinaj lihi VTB kłub nie pakazaŭ tych vynikaŭ, jakich ad jaho čakali, — adznačyŭ kapitan kamandy Alaksiej Łaškievič. — Dla palapšeńnia sumnaj situacyi, jakaja skłałasia na vosieńskim adrezku, patrabavaŭsia stymuł. Najbolej dziejsnym ź ich, na dumku ŭsich hulcoŭ «cmokaŭ», źjaŭlajecca admova ad miesiačnaj zarabotnaj płaty. Pryjemna, što ŭsie chłopcy z razumieńniem pastavilisia da hetaha rašeńnia — i pahadzilisia, što jano nieabchodnaje».
U svaju čarhu kiraŭniki kłuba harantavali vypłaty pa kantraktach u poŭnym abjomie ŭ vypadku «adčuvalnaha rostu vynikaŭ» jak u lizie VTB, tak i ŭ matčach Jeŭračelendža, dzie kamanda startuje 5 listapada.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty40
Kamientary