Viadomaje uralskaje ahienctva «Ura.ru» u sieradu prypyniła vypusk navin i abjaviła ab namiery źmianić farmat.
«U zvykłym farmacie «URA.Ru» my prapracavali dzieviać hadoŭ. Padvodziačy vyniki i analizujučy aktualnaść našaha vydańnia, my pryjšli da vysnovy, što nie možam i nie chočam być zakładnikami hetaha farmatu, pracavać dziela pavieličeńnia kolkaści klikaŭ i źjedlivych kamientaroŭ ananimnych udzielnikaŭ, žyć u statusie «žoŭtych staronak», niespraviadliva pierachodzić na asoby i farmiravać paradak, jakaja supiarečyć našym ułasnym pierakanańniam. My budziem šukać siabie i naš novy farmat», — havorycca ŭ zajavie ahienctva, apublikavanaj na sajcie «Ura.ru».
Kiraŭnik miedyjaprajekta Michaił Ujuhin adznačyŭ, što ŭ ciapierašni čas ahienctva sprabuje samavyznačycca. «My znachodzimsia na razdarožžy: my patryjatyčnyja abo apazicyjnyja? Razdarožža hetaje dla nas šmat u čym niečakanaje. My nie dumali, što mahčymaja takaja acenka. Ale jana ŭźnikła. Adpaviedna, zaraz my budziem dumać, jak my siabie aceńvajem. My bačym u krainie tolki drennaje ci my hanarymsia svajoj krainaj — voś dylema, jakuju treba budzie vyrašyć ahienctvu», — zajaviŭ jon.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary