Na miažy kanfiskavali knihu vykładčycy EHU Taćciany Ščytcovaj
Zbornik vydaŭ Jeŭrapiejski humanitarny ŭniviersitet. Knihi mierkavałasia pryvieźci na prezientacyju, jakaja prajšła 9 krasavika ŭ Minsku.
Jak paviedamiŭ Ihar Łohvinaŭ, padstavaj dla vymańnia stała padazreńnie, što jany mohuć nanieści škodu Respublicy Biełaruś. Ciapier stvorać śpiecyjalnuju kamisiju, jakaja vyniasie kančatkovaje rašeńnie. Kali padazreńni paćvierdziacca, to knihi spalać.
Teksty, apublikavanyja ŭ hetym zborniku, padzielenyja na dva raździeły: «Uciełaŭlony subjekt» i «Fiłasofija i palityka».
U miežach pieršaj temy analizujucca roznyja formy intersubjektyŭnaha dośviedu i ekzistencyjnyja prablemy, jakija ŭźnikajuć u źviazku z faktyčnaj cialesnaj vyznačanaściu čałaviečaj subjektyŭnaści.
Teksty druhoha raździeła pryśviečanyja kankretnym palityčnym padziejam u Biełarusi, a taksama prablematyčnamu miescu fiłasofii ŭ aktualnym sacyjalna-palityčnym kantekście.
Taćciana Ščytcova ličyć, što mienavita druhi raździeł pryciahnuŭ uvahu mytnikaŭ:
«Druhi raździeł nazyvajecca «Fiłasofija i palityka». U im jość try teksty, dzie abmiarkoŭvajucca kankretnyja palityčnyja padziei. U pryvatnaści, tam abmiarkoŭvajucca prezidenckija vybary 2006 i 2010 hadoŭ»
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary