Nieviadomaje raniej fota z Vacłavam Łastoŭskim? Pradajecca za 7,5 miljona rubloŭ. Ale…
Na biełaruskim internet-aŭkcyjonie ay.by pradajecca fotazdymak, na jakim, śćviardžaje pradaviec, prysutničaje viadomy biełaruski dziejač Vacłaŭ Łastoŭski.
Fota zroblena ŭ 1917 h. pskoŭskim fatohrafam Anierykam. Na zdymku vajskovyja čynoŭniki, čyhunačniki i niekalki cyvilnych asobaŭ stajać pad charuhvaju z nadpisam «Pskoŭ-Połackaja vajennaja čyhunka». Na fota prysutničaje Vacłaŭ Łastoŭski, upeŭnieny pradaviec.
Zdymak pamieram 24ch30,3 sm naklejeny na kardon. Uładalnik fota acaniŭ jaho ŭ 7,5 miljona rubloŭ. Praŭda, pakul što maksimalnaja staŭka składaje ŭsiaho tolki 1,5 miljona.
Historyk Aleś Paškievič paćvierdziŭ, što adzin z mužčynaŭ sapraŭdy vielmi padobny da Łastoŭskaha, kali paraŭnać zdymak z fatahrafijami z vydańnia «Archivy BNR».
Ale… Heta nie moža być jon, bo Łastoŭski ŭ hety čas znachodziŭsia ŭ Vilni, pa inšy bok niamiecka-rasijskaha frontu.
Nahadajem, što ŭ mai na aukcyjonach pradavałasia fota inšaha słavutaha biełarusa Jaŭchima Karskaha. Košt łota dasiahaŭ 37 miljonaŭ rubloŭ. Takija hrošy byŭ, nibyta, hatovy zapłacić kupiec z Rasii. Praŭda, raniej pakupki na aŭkcyjonie jon nie rabiŭ, mahčyma, heta byŭ fejkavy karystalnik, bo aukcyjon zaviaršyŭsia tym, što łot byŭ źniaty z tarhoŭ pradaŭcom.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty42
Kamientary