Dva fakty uzharańnia bałkonaŭ zarehistravana za minułyja sutki ŭ Minsku.
Jak paviedamlaje Minskaje haradskoje ŭpraŭleńnie MNS, pieršy vypadak adbyŭsia ŭ Frunzienskim rajonie. U 00.06 na pult dziažurnaha pastupiła paviedamleńnie ab pažary na bałkonie pa vulicy Prytyckaha, 48. Ratavalniki ŭbačyli dym, što valiŭ z akna treciaha paviercha dzieviacipaviarchovaha doma. U chodzie apieratyŭnaj raźviedki było ŭstanoŭlena, što adbyłosia zaharańnie majomaści ŭ łodžyi na 4 kv. m. u kvatery №203. U 00.29 pažar byŭ likvidavany. U vyniku paškodžana majomaść, škleńnie łodžyi i žyłoha pakoja, zakurany žyły pakoj. Taksama było paškodžana škleńnie łodžyi vyšej raźmieščanaj kvatery №206.
Pryčyna pažaru — kinuty niedakurak z vyšej raźmieščanaha paviercha nievyjaŭlenaj asobaj.
Druhi vypadak adbyŭsia dvuma hadzinami paźniej. U 02.09 u pastupiła paviedamleńnie ab pažary ŭ Partyzanskim rajonie pa vulicy Bahracijona, 73. Ratavalniki ŭ chodzie raźviedki vyjavili, što na bałkonie kvatery 89, raźmieščanym na 5-m paviersie dzieviacipaviarchovaha budynka, adbyłosia zaharańnie majomaści na terytoryi ŭ 0,5 kv.m. Uzharańnie było likvidavana ŭ 02.24. U vyniku pažaru paškodžana majomaść, bałkonnaja rama. Ahoń u kvateru nie prakraŭsia.
Pryčyna pažaru taja ž: kinuty niedakurak z vyšej raźmieščanaha paviercha nieviadomaj asobaj.
Čamu YouTube vydaliŭ kanały BiełTA, STB i ANT? Voś što viadoma11
Kamientary