U Mahiloŭskaj vobłaści 324 nasielenyja punkty adklučanyja ad elektraenierhii (pa stanie na 15.00) z-za ledzianoha daždžu i śniežnaj stychii, paviedamiŭ hałoŭny inžynier RUP «Mahiloŭenierha» Alaksandr Šyšoŭ.
U liku najbolš paciarpiełych paŭdniova-zachodnija rajony vobłaści: Hłuski, Asipovicki i Kličaŭski. Taksama stychija «začapiła» Babrujski i Kiraŭski rajony. «Ranicaj hetyja rajony nakryŭ sapraŭdny ledziany doždž. Hetaja pryrodnaja źjava vyklikała nalipańnie lodu na pravady i drevy. U vyniku bolš za 50 linij elektrapieradačy byli paškodžanyja, zastalisia bieź śviatła 324 nasielenyja punkty i 43 małočnatavarnych fiermy», — skazaŭ hałoŭny inžynier.
U ciapierašni čas u paciarpiełych ad stychii rajonach vobłaści pracujuć 40 avaryjnych mabilnych bryhad. Płanujecca ŭ bližejšy čas pierakinuć tudy jašče 8 bryhad ź inšych rajonaŭ, a taksama dadatkova 4 mahutnyja dyzielnyja elektrastancyi. «U pieršuju čarhu my zabiaśpiečvajem pracu kacielniaŭ na miascovych vidach paliva, a taksama vytvorčy praces na małočna-tavarnych fiermach, zadziejničajučy ŭsie najaŭnyja reziervovyja elektrastancyi kamunalnikaŭ i MNS», — skazaŭ Alaksandr Šyšoŭ.
Jon zapeŭniŭ, što situacyja znachodzicca pad kantrolem. U režymie realnaha času pastupaje infarmacyja i karektujecca praca adpaviednych słužbaŭ.
Kamientary